Na II Ahulnaeŭrapiejskaj kanferencyi pa transparcie (Kryt, 1994) vyznačyli dziesiać pryjarytetnych mižnarodnych kalidoraŭ. Dva iduć praź Biełaruś: kalidor №2 (Berlin—Varšava—Miensk—Maskva—Nižni Noŭharad) i №9 (Chielsynki—Sankt-Pieciarburh—Maskva/Pskoŭ—Kijeŭ—Kišynioŭ—Bucharest—Dzimi-traŭhrad—Aleksandropalis) z adhalinavańniem №9V (Kijeŭ—Vilnia—Koŭna—Klajpeda/Kalininhrad).
Ahulnaja sietka aŭtadaroh Biełarusi składaje 81 471 km (15 441 km respublikanskich i 66 030 km miascovaha značeńnia), normam adpaviadajuć 7 965 km. Znošanaść daroh składaje 35%, mastoŭ — 19%. Praciahłaść daroh ź niedastatkovaj tryvałaściu i defektami pakryćcia — 6 387 km, tolki 440 km zdolnyja prapuskać nahruzki ŭ 11,5 tony na voś, 7 056 km — u 10 ton, 1 644 km vytrymlivajuć nahruzki nia bolš jak šeść ton na adnu voś aŭto.
Finansy dazvalajuć sioleta kapitalna adramantavać 2,7% ad patrebnaha. Kab vyrašyć prablemu, departament «Biełaŭtadar» planuje vyznačyć na dziaržmiažy punkty propusku transpartu ahulnaj masaj zvyš 24 ton. Ahulnaja praciahłaść daroh, na jakich uviesnu uvodziacca abmiežavańni nahruzki na voś, — 9 260 km.
Poŭny varyjant čytajcie ŭ papiarovaj i pdf-versii hazety "Naša Niva"
Kamientary