Нобелеўскую прэмію міру атрымаў кітайскі дысідэнт Лю Сяобо дададзена

Лю Сяобо, фота dw-world.de

Пра гэта было аб’яўлена сёння на прэс-канферэнцыі Нобелеўскага камітэта.

Нагадаем, што некалькі тыдняў таму Вацлаў Гавел заклікаў нобелеўскі камітэт прысудзіць прэмію менавіта Лю Сяобо.

У снежні 2008 г. група 303 кітайскіх актывістаў, юрыстаў, інтэлектуалаў, навукоўцаў, адстаўных дзяржаўных службоўцаў, работнікаў і сялянаў выступіла з уласным маніфестам пад назвай «Хартыя-08», дамагаючыся канстытуцыйнага ўрада, выканання правоў чалавека ды іншых дэмакратычных рэформаў. Ён быў апублікаваны на 60-я ўгодкі Усеагульнай дэкларацыі правоў чалавека.

Галоўным аўтарам «Хартыі-08» быў Лю Сяобо (нар. у 1955 г.), які раней адседзеў 5 гадоў у турме

за падтрымку антыўрадавых пратэстаў на плошчы Цяньаньмэнь у Пекіне ў 1989.

За распаўсюд «Хартыі-08» улады КНР арыштавалі Лю Сяобо ў чэрвені 2009 года і асудзілі на 11 гадоў турмы. Дысідэнт адбывае гэтае пакаранне ў турме на поўначы краіны.

Лю Сяобо — пісьменнік, быў старшынём кітайскага ПЭН-цэнтра, намінаваны на Нобелеўскую прэмію быў Вацлавам Гаўлам, Далай Ламам, Андрэ Глюксманам, Карлам Шварцэнбергам, Дэсмандам Туту, Майклам Мурам і Грыгорыем Яўлінскім.

nn.by

Хочаш падзяліцца важнай інфармацыяй ананімна і канфідэнцыйна? Пішы ў наш Тэлеграм