На некаторыя спецыяльнасці ў БДУ прахадны бал склаў 396 і 398 балаў
У БДУ адбылося залічэнне на бюджэтную форму. Самы высокі прахадны бал быў на Факультэце міжнародных адносін.
Усяго на ФМА залічана 120 бюджэтнікаў, з якіх 33 — без экзаменаў, 24 — па мэтавым прыёме, 3 — па-за конкурсам, паведамляе прэс-служба БДУ.
На групы з дзвюх спецыяльнасцей «сусветная эканоміка» і «менеджмент» па аб'яднаным конкурсе залічана 20 абітурыентаў; «усходазнаўства» і «афрыканістыка» — 20 абітурыентаў; «міжнародная канфлікталогія» і «міжнародныя адносіны» — 20 абітурыентаў. Прахадныя балы на ўсе спецыяльнасці факультэта склалі:
— «сусветная эканоміка» — 398;
— «міжнароднае права» — 398;
— «менеджмент» — 396;
— «міжнародныя адносіны» — 395;
— «міжнародная канфлікталогія» -394;
— «міжнародная лагістыка» — 393;
— «ўсходазнаўства» — 388;
— «афрыканістыка» — 387;
— «мытная справа» — 377.
На спецыяльнасць «псіхалогія» Факультэта філасофіі і сацыяльных навук залічана 22 абітурыенты, сярод іх 6 — па мэтавым, 1 — без іспытаў, 1 — па-за конкурсам. Прахадны бал склаў 373.
На спецыяльнасць «паліталогія» юрыдычнага факультэта залічана 20 абітурыентаў, 1 з якіх — без экзаменаў. Прахадны бал склаў 366.
На спецыяльнасць «інфармацыя і камунікацыя» факультэта журналістыкі залічана 42 абітурыенты, сярод іх 2 прынята па мэтавым, 1 — без экзаменаў, 1 — па-за конкурсам. Прахадны бал склаў 362.
Цяпер чытаюць
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск22
Каментары