Лідар апазіцыі Венесуэлы Хуан Гуайдо дапусціў магчымасць замежнага ваеннага ўмяшання для таго, каб скінуць рэжым Нікаласа Мадуры, паведамляе Folha de Sao Paolo.
«Я не выключаю ваеннага ўмяшання, таму што ўжо цалкам зразумела, што такое рэжым Мадуры», — кажа Гуайдо.
У той жа час апазіцыйны лідар падкрэсліў, што гэта будзе апошнім варыянтам развіцця падзей — Гуайдо мае намер спрабаваць скінуць Мадуру негвалтоўным шляхам.
«Мы не хацелі канфрантацыі, мы не імкнуліся да гэтага<…>, гэта былі рэпрэсіі дыктатуры. Было відавочна, што мы не хочам гвалтоўнага супрацьстаяння, наадварот, ідэя ў тым, каб дадаваць у гэты працэс усё больш і больш людзей, нават калі гэта патрабуе часу», — пракаментаваў ён апошнія вулічныя сутыкнення.
Цяпер чытаюць
«Главное»: хто стаіць за найбольшай сеткай рэгіянальных тэлеграм-каналаў Беларусі. Яе сляды вядуць у Расію4
Каментары