30-гадоваму палітзняволенаму анархісту Сяргею Раманаву далі дадатковы тэрмін за кратамі
Цяпер яго агульны тэрмін складае 24 гады і 5 месяцаў зняволення.
Палітзняволенаму анархісту Сяргею Раманаву дадалі яшчэ паўтара года да тэрміну.
Гэта ўжо трэці раз, калі Сяргея асудзілі паводле артыкула 411 Крымінальнага кодэкса («злоснае непадпарадкаванне патрабаванням адміністрацыі»). Цяпер яго агульны тэрмін складае 24 гады і 5 месяцаў зняволення, паведамляе тэлеграм-канал «АЧК-Беларусь»
Таксама Сяргея нядаўна перавялі ў памяшканне камернага тыпу і забаранілі яму маляваць. Малюнкі, якія ён адпраўляе ў лістах, не прапускаюць.
30-гадовага хлопца затрымалі 29 кастрычніка 2020 года. Разам з Ігарам Аліневічам, Дзмітрыем Рэзановічам і Дзмітрыем Дубоўскім яго абвінавацілі па шэрагу артыкулаў за падпал службовых аўтамабіляў, будынка ДАІ і дзяржаўнага камітэта экспертыз у Гомельскай вобласці.
У лютым 2021 года КДБ унёс палітвязня ў спіс «асобаў, датычных да тэрарыстычнай дзейнасці». А ў снежні таго года Раманаву далі 20 гадоў калоніі строгага рэжыму.
Пазней хлопцу дадавалі тэрмін па артыкуле 411.
Ён цяпер у калоніі №11 у Ваўкавыску.
Каментары