Чудзянцова правяраюць паводле артыкула «гвалтоўныя дзеянні сэксуальнага характара»
Следчы камітэт праводзіць праверку ў дачыненні журналіста Уладзіміра Чудзянцова паводле артыкула 167 Крымінальнага кодэкса (гвалтоўныя дзеянні сэксуальнага характара).
«Упраўленнем СК па Мінску вывучана паведамленне з прыкметамі крымінальнага характару, якое было размешчана на сайце NN.by 30 лістапада, — распавяла Onliner.by афіцыйная прадстаўніца УСК па Мінску Кацярына Гарлінская. — Па выніках вывучэння было прынята рашэнне аб правядзенні даследчай праверкі па гэтым факце ў адпаведнасці з нормамі крымінальна-працэсуальнага кодэкса Беларусі».
Гаворка вядзецца пра артыкул «Яму падабалася слова «бойлавэр». Глухі падлетак, адна з ахвяр журналіста Ч., расказаў сваю гісторыю».
«Я знаёміў Уладзіміра з артыкулам у «Нашай Ніве», — расказаў карэспандэнту «Радыё Свабода» Аляксандр Галіеў, адвакат Чудзянцова. — Ён заявіў, што гэта поўнае трызненне. Мой падабаронны лічыць, што і абвінавачанні паводле артыкула 328, і праверка паводле 167-га артыкула з'яўляюцца комплексам захадаў, якія праводзяцца супраць яго».
Розныя часткі артыкула 167 КК Беларусі прадугледжваюць пакаранне ў выглядзе пазбаўлення волі на тэрмін ад 3 да 15 гадоў.
Цяпер чытаюць
Фатограф-агент з двума пашпартамі здымае беларусаў і іх мерапрыемствы ў Варшаве11
Каментары