«Дугін меў ехаць на гэтай машыне, але сеў у іншую». Узарвалі дачку ідэолага расійскага імперыялізму Дугіна
У Падмаскоўі ўзарвалі джып Дар'і Дугінай — дачкі Аляксандра Дугіна, філосафа-неанацыста, ідэолага расійскага імперыялізму. Знаёмыя сям'і пішуць, што ў машыне павінен быў ехаць і сам Дугін.
Па папярэдніх звестках, дзяўчына загінула на месцы. Але афіцыйнага пацвярджэння няма.
Выбух у Land Cruiser Prado адбыўся на Мажайскай шашы падчас руху.
Скрыпач Пётр Лундстрэм паведаміў, што Дар'я Дугіна разам з бацькам выступала на патрыятычным фестывалі «Традыцыя» ў падмаскоўнай сядзібе Захарава.
«Дугін меў ехаць на гэтай машыне, але сеў у іншую», — напісаў музыка.
Аляксандра Дугіна лічаць ідэолагам так званага «рускага свету», рашызму. З 2014 года ўнесены ў санкцыйны спіс Еўрасаюза, а з 2015 года і ў санкцыйны спіс ЗША і Канады.
Дар'я Дугіна займалася журналістыкай, філасофіяй і паліталогіяй, у ліпені 2022 года была ўключана ў санкцыйныя спісы Вялікабрытаніі.
«Главное»: хто стаіць за найбольшай сеткай рэгіянальных тэлеграм-каналаў Беларусі. Яе сляды вядуць у Расію4
Каментары