Чакаючы вырашэньня справы ў ЖЭСе, разглядаў плякат з гімнам «Мы — беларусы, з братняю Русьсю». Невялічкі такі, з чырвоны тэкст на зялёным фоне. Чытаю прыпеў: «Слаўся, зямлі нашай сьветлае імя, // Слаўся, народу братэрскі саюз!» Стоп! Нешта ня тое. Правільна будзе «народаў братэрскі саюз». Не, гляджу — «народ» у адзіночным ліку ва ўсіх трох прыпевах. Надрукаваны гімн ва УУП «Віцебскдрук». За такую палітычную памылку пры Сталіне можна было б і ў Сібір адправіцца.
Якое ж было маё зьдзіўленьне, калі такі ж тэкст, зноў з адным «народам», сустрэў на плякаціку ў сталічнай кнігарні «Веды» на вуліцы Маркса, побач з «Чырвоным домам».
Чаму розныя выдаўцы дапускаюць аднолькавыя памылкі ў такім важным тэксьце? Можа, на гэта ёсьць афіцыйная ўстаноўка ў сувязі зь нявырашанымі праблемамі ў саюзным будаўніцтве? Але, хутчэй за ўсё, які гімн, такое й стаўленьне да яго ў выдаўцоў і паспалітага люду.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары