Грамадства11

Дзень Волі ў Піцеры: канцэрт Памідорава, сала, гарэлка і дранікі

Канцэртам Аляксандра Памідорава адзначыў клуб «Беларусы Пецярбурга» 95-ю гадавіну абвяшчэння Беларускай Народнай Рэспублікі.

Святкаваць пачалі яшчэ ў пятніцу, 22 сакавіка. У гэты дзень у клубе «Манхэтан» адбыўся сумесны канцэрт рок-музыкі Аляксандра Памідорава і піцерскага рок-барда Аляксандра Чарнецкага.

Памідораў праспяваў шэраг песень на расейскай і беларускай мовах: "Снайпер на даху», «Быць беларусам», пераклад песні Боба Марлі «Давай, уставай!" І іншыя. Атмасфера ў клубе панавала вельмі цёплая, сардэчная.

Не ўсе прысутныя расейцы разумелі па-беларуску, тым не менш яны ахвотна падцягвалі некаторыя песні.

Некаторыя з песень апынуліся сугучныя з бягучай сітуацыяй у Расіі. Як і ў Беларусі, цяпер у Расіі з'явіліся палітвязні, людзі пратэстуюць супраць несумленных выбараў.

«Тое, што адбываецца ў Расіі, у Беларусі ўжо было. Магу прадказаць, што будзе тут у бліжэйшы час», -- пажартаваў спявак.

На наступны дзень, 23 сакавіка, святкаванне працягнулася ў бары «Свабода». Тут ужо чакалі прывезеныя з Мінска сала і гарэлка.
Беларускі квас куплялі ў мясцовай краме. Актывістка клуба «Беларусы Пецярбурга» Святлана Гаўрыліна частавала ўсіх сапраўднымі беларускімі дранікамі ўласнага прыгатавання. Паспрабаваць беларускую кухню прыйшлі больш за 40 чалавек: беларускія студэнты з піцерскіх ВНУ, тыя, хто з'ехаў з Беларусі па палітычных ці эканамічных прычынах.

Павіншаваць беларусаў са святам прыйшлі і ўдзельнікі руху «Інгрыя». Нагадаем, як і БНР, незалежная Паўночная Рэспубліка Інгрыя паўстала на Карэльскім паўвостраве ў выніку развалу Расійскай Імперыі.
Дзяржаўнасць Паўночнай Інгрыя існавала ад ліпеня 1919 г. да снежня 1920 года За даволі кароткі тэрмін свайго існавання Інгрыі набыла ўсе атрыбуты дзяржаўнасці: уласныя герб, сцяг, гімн, войска, флот і нават суд і пошту.

Да свята таксама далучыліся і пецябруржцы, якія прыйшлі ў бар адразу пасля мітынгу за вызваленне палітвязняў,
што апынуліся за кратамі пасля леташніх масавых пратэстаў супраць фальсіфікацыі выбараў.

З прывітальным словам выступіў каардынатар па замежных сувязях клуба, палітолаг Дзяніс Васільеў. Ён нагадаў, у якіх умовах нараджалася БНР.
«Атрыманне Беларуссю незалежнасці ў пачатку 90-х - гэта працяг той барацьбы, якая пачалася ў 1918 годзе», -- адзначыў ён. Дзяніс таксама падкрэсліў, што клуб «Беларусы Пецярбурга» павінны стаць ядром, якое аб'ядноўвае беларусаў, асабліва беларускую моладзь, для захавання нацыянальнай культуры, традыцый і самаідэнтыфікацыі, а таксама для падтрымання сувязяў з Радзімай. «Трэба аб'ядноўвацца, каб разам адстойваць свае правы ў рамках прававога поля, арганізоўваць самадапамога, падтрымліваць нацыянальныя сімвалы - герб Пагоня, бел-чырвона-белы сцяг, гімн, беларуская мова, гісторыю, адным словам усё, што складае нацыянальную памяць народа.
Наша задача -- стварыць у Пецярбургу малую радзіму, каб дапамагаць усім, хто тут апынуўся, а таксама дапамагаць развівацца самой Беларусі,
якая абвесціла сваю Незалежнасць 25 Сакавіка 1918 года », - падкрэсліў актывіст.

Маргарыта Пярова распавяла аб Радзе БНР і братах Луцкевічах, што стаялі каля яе вытокаў.
Распавяла яна і пра вучонага, аўтару шматлікіх прац па гісторыі Беларусі, стваральніка і нязменнага старшыню Беларускага грамадска-культурнага таварыства ў Санкт-Пецярбургу Валянціна Грыцкевіча, які памёр у пачатку сакавіка гэтага года.

Удзельнікі свята паглядзелі фільм Юрыя Хашчавацкага "Дзень Волі" і разам з Аляксандрам Памідоравым праспявалі беларускія песні.
Скончылася сустрэча агульным фота на срэбнай пласціне старэнькай фотакамеры 40-х гадоў. Такім чынам піцерскія беларусы як бы зафіксавалі сваю агульнасць з гісторыяй Радзімы. На такія пласціны ў XIX стагоддзі рабілі здымкі сасланых у Сібір паўстанцаў 1863 года.

Наступная сустрэча клуба «Беларусы Пецярбурга» запланавана на 7 красавіка. У гэты дзень гаворка пойдзе пра жыццё і творчасць геніяльнай беларускага паэткі Ларысы Геніюш.

Каментары1

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос25

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос

Усе навіны →
Усе навіны

У Беларусі забаранілі кітайскія тэлефоны. Норма ўтрымання свінцу ў іх была перавышаная ў 330 разоў1

Паглядзіце, які мілы сабака працуе на памежным пераходзе з Латвіяй ФОТАФАКТ

Расіяне з вялікімі стратамі адступілі з Кандратаўкі Сумскай вобласці. Z-каналы ў шаленстве10

У 29 гадоў загінуў хакейны лайнсмен Павел Казлоў1

МЗС Літвы не будзе разглядаць прапанову мясцовага дэпутата аб ануляванні акрэдытацыі офіса Ціханоўскай5

Жанчыну-пульманолага з 30-гадовым стажам адправілі ў калонію па трох палітычных артыкулах22

Верагоднай прычынай для прыезду Дэрула ў Мінск сталі здымкі для рэкламы катэджаў

«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце53

Рубіа: Трамп «траціць цярпенне» праз тое, што размовы з Пуціным не прыводзяць да завяршэння вайны16

больш чытаных навін
больш лайканых навін

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос25

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос

Галоўнае
Усе навіны →

Заўвага:

 

 

 

 

Закрыць Паведаміць