У Дамашах на Маладзечаншчыне параненая кабыла канае на дарозе: кінулі гаспадары — фота
Яны не дабіваюць жывёлу — ці то «хочуць прадаць», ці то проста абыякавыя да яе пакутаў.
Пра сітуацыю ў Дамашах парталу Kraj.by паведамілі маладзечанкі Аксана Кірылюк, Надзея Новікава і Віта Барысава.
Па словах суседзяў, кабылу збіла машына ў пятніцу раніцай, у жывёлы была зламаная нага.
Кабыла ляжыць на вуліцы, за некалькі метраў ад трасы Маладзечна — Смаргонь насупраць вясковай каплічкі. Суседзі падклалі пад яго салому, спрабуюць карміць, але відаць, што жывёла памірае. Медыцынскай дапамогі ёй не аказваецца, паколькі гаспадары хочуць яе здаць на мяса, а з лекамі ў арганізме не прымаюць.
На словы аб тым, што жывёла пакутуе, лежачы проста на дарозе пад адкрытым небам у мароз, гаспадары адказваюць, што гэта нармальны ход падзей для жывёлы, а ім трэба вярнуць грошы.
Аксана, Надзея і Віта звярнуліся на «Дабрачынны партал абароны і правоў жывёл «Эгіда» для збору сродкаў, каб выкупіць кабылу і ўсыпіць. Але, магчыма, знойдзецца хтосьці яшчэ, хто выкупіць каня, каб скончыць яго пакуты.
Па словах гаспадыні Святланы, кабылу клічуць Майка, ёй гадоў
«Гэта абсалютна бесчалавечнае абыходжанне з жывёлай! — сцвярджае Аксана Кірылюк. — Конь проста ляжыць і памірае ва ўсіх на вачах, і ніхто не можа яго бараніць, бо мае гаспадароў, а ім усё адно.
Нам трэба закон, які б дазволіў абараняць жывое ад такіх людзей».Але пакуль людзі думаюць, Майка ляжыць на дарозе пры смерці. Тых, хто можа дапамагчы, просяць звяртацца па т.:
(044) 792-61-75 ,(029) 681-49-71 , МТС(033) 313-68-16 .
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла1
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю3535
Каментары