Майдан вытрымаў штурм: хроніка, фоты, відэа
Live streaming video by Ustream
Януковіч запрасіў апазіцыю і прадстаўнікоў грамадскасці за круглы стол
Як прэзідэнт Украіны, гарант Канстытуцыі, зраблю ўсё неабходнае для нармальнага функцыянавання краіны, абароны правоў і інтарэсаў кожнага грамадзяніна, забеспячэння міру і спакою ў нашай дзяржаве».
У Палацы спорту рыхтуюць начлег для «Беркута»
17:26
16:50
Цімашэнка: «Я звяртаюся да кожнага ўкраінца — паўстаньце!»
«Кожны ўдар дубінкай «Беркута» па мірных людзях на Майдане — гэта ўдар дубінкай па твары ўсяго ўкраінскага народа. Не дайце Януковічу зрабіць гвалт нормай нашага жыцця, — заклікала яна ў лісце з-за кратаў, піша «Украінская праўда».
Экс-прэм'ер заклікае не дамаўляцца з прадстаўнікамі ўлады: «Ніякіх перамоваў з бандай, ніякіх круглых сталоў з імі. Толькі неадкладная адстаўка Януковіча і яго атачэння».
«Спыніце аўтарытарны рэжым ва Украіне фінансавымі і візавымі санкцыямі, міжнароднымі антыкарупцыйнымі расследаваннямі. У адваротным выпадку ва Украіне пабудуюць могілкі свабоды. Дзейнічайце!» — заклікала яна лідараў заходніх краін.
16:25
Эштан сустракаецца з трыма былымі прэзідэнтамі Украіны
Вярхоўны прадстаўнік Еўрапейскага Саюза па пытаннях знешняй палітыкі і палітыкі бяспекі Кэтрын Эштан у гэты момант у Кіеве сустракаецца з трыма экс-прэзідэнтамі Украіны.
14:20
Кіраваградскі «Беркут» адмовіўся ехаць на разгон Майдану ў Кіеў?
«Мы прынялі сумеснае рашэнне адмовіцца ад ужывання сілы супраць мірных мітынгоўцаў. Не зважаючы на пагрозы і магчымыя санкцыі супраць нас, увесь асабісты склад — 220 байцоў, адмовіліся грузіцца ў аўтобусы. 6 аўтобусаў уначы не выехалі на Кіеў», — распавёў адзін з камандзіраў «Беркута».
13:15
Грыбаўскайце: Кіраўніцтва Украіны нясе адказнасць за падзеі мінулай ночы
Такую пазіцыю прэзідэнт Літвы, якая старшынюе ў Радзе ЕС, сфармулявала пасля таго, як супрацоўнікі сілавых структур Украіны ноччу ў сераду штурмавалі Майдан Незалежнасці ў Кіеве.
12:54
Яцанюк — украінцам: «Едзьце на Майдан. Тут вырашаецца лёс краіны»
«Ад кожнага з нас залежыць будучыня Украіны. Прыязджайце сюды. Мы павінны падтрымліваць адзін аднаго. Мы павінны стаяць побач адзін з адным, як мы стаялі ўначы. І мы выстаялі», — заклікаў Яцанюк.
Па словах Яцанюка, зараз сярод задач майданаўцаў — навесці парадак на Майдане: «адбудавацца, зноў навесці парадак і быць гатовым да таго, каб абараняць нашу свабоду».
Актывісты Майдана чысцяць лёд на Хрышчаціку, аднаўляюць намёты і барыкады.
Кіеў, 11 снежня
Мітынгоўцы аднаўляюць барыкады пасля адступлення спецназа
Канада збіраецца ўвесці санкцыі супраць Януковіча і Ко
Парламент Канады збіраецца на тэрміновае пасяджэнне з-за падзей на Еўрамайдане ў Кіеве.
У прыватнасці, на пасяджэнні будзе разглядацца пытанне аб увядзенні персанальных санкцый супраць украінскай улады.
У Канадзе жыла найбольшая ўкраінская дыяспара ў свеце пасля Расіі.
12:20
Азараў: Ніякіх пагадненняў з Мытным саюзам не будзе
«Ніякіх размоў пра Мытны саюз не будзе! Я наперад хачу адкінуць ўсе гэтыя спекуляцыі», — заявіў ён.
12:00
Міліцыі на Майдане не засталося
Будынкі прафсаюзаў і Кіеўрады засталіся ў руках маніфестантаў. Менавіта ў тых будынках людзі спалі, елі і атрымлівалі медычную дапамогу.
Унутраныя войскі пакідаюць Хрышчацік і Майдан
Байцы ўнутраных войскаў пакінулі Хрышчацік і адступаюць у бок вуліцы Праразной.
На вуліцы стаяць два аўтобусы і дзве грузавыя машыны.
Каткоўская: Шукаю магчымасці з'ехаць у выходныя ў Кіеў
«Той, хто аддае загады на штурм Майдану проста не быў там і не разумее, што ўкраінцы не сыйдуць. А я шукаю магчымасці з'ехаць у выходныя ў Кіеў на пэўны тэрмін і працаваць адтуль», — напісала ў сваім фб Дар'я Каткоўская.
Карэспандэнтка радыё «Свабода» Аляксандра Дынько, з Кіева: «Я ўжо дзве гадзіны ў хаце, але мяне калоціць дасюль.
Як людзі да гэтага часу стаяць на Майдане, я не разумею. [Там такі мароз.] Мне здаецца, гэта вышэй за чалавечыя магчымасці»
Азараў: Украіна просіць у ЕС 20 млрд еўра
Украіна просіць у Еўрапейскага Саюза ў рамках падпісання пагаднення аб асацыяцыі фінансавай дапамогі памерам 20 млрд еўра, паведаміў прэм'ер-міністр Мікалай Азараў.
Азараў адзначыў, што гаворка ідзе не пра беззваротную дапамогу з еўрапейскага бюджэту, а аб удзеле Еўрасаюза ў інвеставанні ў сумесныя ўзаемавыгадныя праекты. Такія як мадэрнізацыя і пашырэнне еўрапейскіх транспартных калідораў, стварэнне новага калідора на Каўказ дзякуючы будаўніцтву транспартнага пераходу праз Керчанскі праліў.
Нуланд стала валанцёрам і раздае прадукты
На Майдане — Вікторыя Нуланд, заступнік дзяржсакратара ЗША, яна стала валанцёрам і раздае грамадзянам ежу, напісаў у сваім фэйсбуку Ігар Тышкевіч
Міністр Захарчанка: Разгону Майдану не будзе
Міністр унутраных справаў Украіны Захарчанка заявіў, што разгону Еўрамайдану не будзе. Што міліцыя мае на мэце проста аднавіць рух транспарту ў цэнтры Кіева.
11:28
Бжазінскі: Расія рана ці позна пойдзе па шляху Украіны
«Беркут» адступіў ад Кіеўрады. Быў ужыты слезацечны газ для прыкрыцця адступлення. Аўтобусы з'ехалі ў кірунку Еўрапейскай плошчы.
Што адбылося ўначы ў Кіеве? Падсумаванне
Прыкладна ад другой гадзіне ночы па беларускім часе тысячы сілавікоў атачылі Майдан.
Пасля гэтага пачаўся штурм барыкад і адміністратыўных будынкаў, занятых пратэстоўцамі. Супрацьстаянне доўжыцца да гэтага часу.
Як перадаюць карэспандэнты «Нашай Нівы» з Майдана, украінскі спецназ не асабліва стараецца. Да ранку ён так і не захапіў усіх барыкадаў і будынкаў. Журналісты адзначаюць, што міліцыя ўстрымліваецца ад ужывання празмернай сілы.
Вялікі мітынг чакаецца сёння, а таксама на выхадных.
ЗША выказалі «сваю агіду адносна рашэння ўкраінскай улады адрэагаваць на мірны пратэст на кіеўскім Майдане выкарыстаннем спецназаўцаў, бульдозераў і дубінак, а не павагай да дэмакратычных правоў і чалавечай годнасці».
Пратэстоўцы са сцягамі зноў занялі вуліцу Інстытуцкую
Там уначы адбыліся найбольш зацятыя сутычкі са спецназам, які спрабаваў спусціцца на Майдан Незалежнасці.
11:18
МЗС Літвы: Падзеі гэтай ночы — свядомы выбар уладаў Украіны
«Падзеі сённяшняй ночы на Майдане Незалежнасці ў Кіеве паказалі, што ўкраінскія ўлады выступаюць супраць еўрапейскага шляху, гэта выбар, які зусім процілеглы таму, пра што прэзідэнт Украіны казаў публічна», — гаворыцца ў заяве міністра, апублікаваным на сайце МЗС Літвы
11:17
11:15
11:12
МЗС Польшчы выклікала пасла Украіны
«Пасол Польшчы на 10-ю гадзіну выкліканы ў МЗС. Заклікаю да дыялогу, асуджаю гвалт» — напісаў у сваім twitter прэс-сакратар польскага МЗС Марцін Вайцяхоўскі.
11:11
«Беркут» аднавіў штурм мэрыі
10:44
Тым часам на Майдане ўжо 10 тыс. Народ працягвае прыбываць.
На Майдане захоўваецца статус-кво
Паміж мітынгоўцамі і супрацоўнікамі праваахоўных органаў на Майдане Незалежнасці ў Кіеве захоўваецца статус-кво, які ўсталяваўся некалькі гадзін таму.
З іншага боку кардон міліцыі ніжэй па вул. Інстытуцкай агароджвае падыходы да Майдана з боку Еўрапейскай плошчы.
09:53
Апытанка
Міліцыя знесла ўсе намёты на Міхайлаўскай плошчы
Міліцыя знесла амаль усе намёты прыхільнікаў еўраінтэграцыі, якія размясціліся на Міхайлаўскай плошчы. На гэты момант пратэстоўцы выносяць бочкі і цёплыя рэчы на тэрыторыю Міхайлаўскага манастыра.
09:38
Клічко: Кампрамісу з галаварэзамі і дыктатарамі быць не можа
«Кампрамісу з галаварэзамі і дыктатарамі быць не можа. Іх трэба пазбаўляцца. І сёння пытанне нумар адзін — адназначна адстаўка Януковіча і ўсёй яго гнілой улады», — заявіў Клічко.
Клічко падкрэсліў, што яго галоўная мэта — поўная змена ўлады і пакарання ўсіх без выключэння вінаватых у зачысткі Майдану і правакацыях на Банкавай.
09:32
МУС назвала штурм Майдана «мерапрыемствамі па добраўпарадкаванні тэрыторыі»
«Працаўнікі камунальных службаў сталіцы ажыццяўлялі мерапрыемствы па добраўпарадкаванні тэрыторыі вакол Майдана Незалежнасці ў начны час для таго, каб пазбегнуць дадатковых перашкод і нязручнасцяў для руху транспарту і грамадзян, паколькі працягваецца працоўны тыдзень», — гаворыцца ў паведамленні.
На Майдане людзі пакутуюць ад холаду, у Кіеве — мінус 12
Як перадаюць карэспандэнткі «Нашай Нівы» Ірына Арахоўская і Ганна Бадзяка з Майдана, у Кіеве — нерэальны холад. Сёння ўначы было мінус 12. Правесці на такім марозе цэлую ноч — гэта нешта неймавернае.
09:24
Сярод пратэстоўцаў у Кіеве ёсць параненыя
На Майдане стаяць машыны «хуткай дапамогі», працуюць дактары, якія знаходзіліся ў шэрагах пратэстуючых.
Як перадаюць карэспандэнткі «Нашай Нівы» Ірына Арахоўская і Ганна Бадзяка з Майдана, у Кіеве — нерэальны холад. Сёння ўначы было мінус 12. Правесці на такім марозе цэлую ноч — гэта нешта неймавернае.
Відэарэпартаж «Нашай Нівы» з начнога штурму
Украінская царква асудзіла начны штурм у Кіеве: Мы салідарныя з усімі людзьмі на Майдане
Прадстаўнікі духавенства адрэагавалі на падзеі ў ноч на сераду на Майдане ў Кіеве. Неўзабаве пасля таго, як пачаліся «зачысткі» міліцыяй цэнтра Кіева ад барыкадаў мітынгоўцаў, на тэрыторыі Міхайлаўскага Залатаверхага манастыра (УПЦ Кіеўскага патрыярхату) забілі ў званы.
«Мы глыбока занепакоеныя дзеяннямі сілавых структур на Майдане пад покрывам ночы. Мы асуджаем дзеянні, якія накіраваны на абмежаванне грамадзянскіх правоў, уключаючы свабоду выказвання і мірнага волевыяўлення грамадзян Украіны.
07:28
Андрэй Дынько: Януковіч перайшоў Рубікон
Павел Шарамет: Загад штурмаваць Майдан далі не ўкраінцы, а замежныя агенты
«Приказ штурмовать #євромайдан на глазах европейцев давали не украинцы, а иностранные агенты, которым наплевать на судьбу Украины», — такое меркаванне выказаў у сваім Твітары беларускі журналіст Павел Шарамет, які цяпер працуе ва Украіне.
07:16
ЗША з агідай успрынялі рашэнне штурмаваць Майдан
07:04
07:03
Клічко з людзьмі адціснуў «Беркут» ад Інстытуцкай
Байцы спрабуюць стварыць перыметр, каб адціснуць мітынгоўцаў. Але людзі трымаюцца і не даюць гэтага зрабіць.
Як паведамляюць народныя дэпутаты ад «УДАРа», якія заблакавалі на Інстытуцкай спецтэхніку, зверху вуліцы сфармавалася калона кіяўлян, больш за 300 чалавек. Кіяўляне, якія ішлі на Майдан, апынуліся ў тыле ў байцоў і спрабуюць іх заблакаваць.
06:21
Беркут штурмуе Будынак прафсаюзаў.
Аднак намётавы гарадок на Майдане стаіць, барыкада на Гарадзецкага таксама.
06:07
Дарэчы, выданне дало назоў сённяшняму начному анлайну наступны: «Штурм барыкадаў. 11 снежня. Ганьба»
05:50
05:40
Мітынгоўшчыкі паведамілі, што «Беркут» б'е затрыманых у аўтазаках
«На маіх вачах 70-гадовага дзеда збілі да крыві», - распавёў дзякуючы мабільніку адзін з затрыманых.
Збіты раней дэпутат ад «Свабоды» Ілленка з перабінтаванай галавой працягвае знаходзіцца на Майдане і заклікае туды ўсіх кіяўлян. «Кіраўнікі ў нас моцныя. Праводжу дэпутацкі прыём тут і цяпер кіяўляне - усё на Майдан!», — заклікаў ён.
Тры гадзіны другога штурму «Еўрамайдану»
Лінію барыкад на вул. Інстытуцкай з дапамогай балгарак і «цітушак» часткова дэмантавалі, але людзі выбудавалі трывалую мяжу, цяпер ідзе жорсткая таўкатня, але мітынгоўцы не б'юць нікога з міліцыянтаў.
На Майдан пастаянна падыходзяць людзі з усяго Кіева, дабіраюцца на машынах або пешшу. Мітынгоўцы скандуюць: «Майдан - не здадуць!». Пад сцэнай сабраліся жанчыны, дзеці і святары, паведамляе УНІАН.
05:13
Міліцыя прымяняе слезацечны газ на Інстытуцкай, спрабуючы адціснуць мітынгоўцаў ўніз на Майдан. Гэта супрацьстаянне працягваецца ўжо прыкладна дзве гадзіны. Людзі працягваюць трымаць абарону патроху спускаючыся ўніз.
У будынку забарыкадаваліся 200 чалавек.
Беркуту ўдалося часткова адбіць барыкаду на Інстытуцкай, але тысячы актывістаў не даюць спецназу ісці ў боку Майдана. Увесь час спецназ кідаў у іх дымавыя шашкі.
04:52
04:46
04:40
Беркут штурмуе будынак Кіеўскай рады
Актывісты Еўрамайдану, якія знаходзяцца ўнутры КГДА, цалкам забарыкадаваліся.
«Мы мірныя людзі. Не выконвайце», - скандуе Майдан. «Кіеў, уставай!», — заклікае Руслана.
Будынак Кіеўскай гарадской рады перад штурмам
04:30
Са сцэны выступае Віталь Клічко: Пасля сённяшніх падзей Януковіч павінен сысці ў адстаўку
04:25
На Майдан прыехаў Святаслаў Вакарчук
04:11
04:09
Каля Дома прафсаюзаў і на Еўрамайдане гараць намёты
«Беркут» прарваў барыкаду з боку Еўрапейскай плошчы, прайшоў першы шэраг намётаў, але спыніўся недалёка ад сцэны, дзе сканцэнтравалася значная частка абаронцаў Майдана. Са сцэны людзей супакойвае Руслана.
Гарыць намёт
03:57
Павалілі некалькіх спецназаўцаў.
03:48
На Майдане заклікаюць стаяць да канца: «У нас няма страху», — скандуюць дэманстранты
Камунальшчыкі нагналі тэхнікі і прыбіраюць барыкады.
З Еўрапейскай плошчы праз кардон Беркута прарваліся правакатары. Супрацоўнікі Беркута бесперашкодна прапусцілі 20 спартовага выгляду хлопцаў. Група маладых людзей рухаецца ў бок Майдана Незалежнасці, паведамляе УНІАН.
Беркут спыніўся і некалькі хвілін стаіць.
Мітынгоўшчыкі скандуюць «Заўтра — мільён». Цяпер ідзе штурм барыкады на Інстытуцкай за Жовтневим палацам
Людзі збіраюцца бараніць Палац прафсаюзаў (людзі не могуць прайсці ад Майдана да будынка). Практычна ўсе на Майдане — у касках.
Пачалі званіць званы Міхайлаўскага сабору, як падчас небяспекі ў Сярэднявеччы.
03:10
«Беркут» з двух бакоў атачыў барыкаду з боку Інстытуцкай.
03:02
03:01
03:00
на фота: Кіеўрада рыхтуецца да штурму
Сілавікі прарвалі барыкаду з боку Украінскаму дома і рухаюцца па Хрышчаціку, адцясняючы людзей у боку Майдану.
02:52
«Якщо «Беркут» має робити перший крок, хай вони роблять», - кажа яна. Яна заклікае захоўваць спакой.
Live streaming video by Ustream
Каля Будынка прафсаюзаў камунальнікі разбіраюць барыкаду і намёты, праносячы ўсё праз лінію сілавікоў, паведамляе Украінская праўда.
02:44
Каля ЦУМа — грузавы аўтамабіль, у які загружаюць часткі барыкадаў.
02:41
На Майдане чытаюць малітву «Ойча наш», усе моляцца. Усіх заклікаюць прыбыць у цэнтр Кіева.
Людзі скандуюць «Стаім», «Міліцыя з народам». Кепска працуе інтэрнет. Са сцэны Руслана заклікала «Беркут» не выконваць загад.
Сілавікі збіраюць прарваць брыкаду з боку Міхайлоўскай. Пра гэта паведаміў дэпутат Андрэй Шаўчэнка, які прысутнічаў на месцы. «Асноўная частка сіл цяпер там. Яцанюк, Турчынаў спрабуюць стрымаць міліцыю. Іх ( сілавікоў) проста цемра», - сказаў Шаўчэнка, паведамляе Украінская праўда.
Майдан з боку Інстытуцкай. «Беркут» стаіць і чакае загад. Разам з перыметра выйшлі дэпутаты, якія вядуць перамовы з судовымі выканаўцамі. Пратэстоўцы скандуюць «Кіеў — уставай!», «Салдат — ты наш брат». Яны заклікаюць беркутаўцаў адумацца, спяваюць гімн Украіны.
«Я прыехала ў 4:50 і была ў чарзе 77-я». Як рыэлтарка набывала для сяброўкі кватэру ў элітным ЖК Мінска9
Каментары