Прэзідэнт Украіны Уладзімір Зяленскі раскрыў новую дэталь пра «план перамогі», які ён плануе прэзентаваць прэзідэнту ЗША Джо Байдэну на наступным тыдні. Як паведамляе «Еўрапейская праўда», пра гэта ён расказаў у адказ на пытанне СМІ на сумеснай прэс-канферэнцыі з прэзідэнткай Еўракамісіі ў Кіеве.
Зяленскі адзначыў, што не хоча раскрываць падрабязнасцяў раней, чым абмяркуе план з Джо Байдэнам.
«У большасці сваёй рашэнні па плане залежаць менавіта ад яго. Ад іншых саюзнікаў таксама, але ёсць пункты, якія залежаць менавіта ад пазітыўнай волі і падтрымкі Злучаных Штатаў. Вельмі разлічваю, што ён падтрымае гэты план,» — сказаў прэзідэнт Украіны.
Зяленскі таксама адзначыў, што рэалізацыя гэтага плану запатрабуе хуткіх рашэнняў партнёраў і раскрыў, на які перыяд разлічаны гэты план.
«План разлічаны на рашэнні, якія павінны быць прынятыя з кастрычніка да снежня… Тады мы лічым, што план спрацуе,» — сказаў ён.
Раней Зяленскі раскрыў, што план складаецца з чатырох пунктаў аб умацаванні абароназдольнасці Украіны «плюс адзін, які нам патрэбны пасля вайны».
Ён таксама пракаментаваў, што плануе рабіць, калі прэзідэнт Байдэн не падтрымае такі план дзеянняў і «патрэбен будзе план «Б».
«Мы ўжо ў плане «Б», мы ў ім жывём і змагаемся. У нас ніколі не было плана «А», бо план «А» быў — не дапусціць поўнамаштабнага ўварвання, умацаваць Украіну зброяй і прэвентыўна ўвесці санкцыі супраць РФ, каб яна баялася нават думкі пра поўнамаштабнае ўварванне. Так што мы ўжо ў гэтым плане,» — сказаў Зяленскі.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»25
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Как же ты всех достал КВНщик недоделанный.