Столтэнберг: Самы хуткі спосаб скончыць вайну — прайграць яе. Але гэта прынясе не мір, а расійскую акупацыю
«Мы павінны размаўляць з нашымі суседзямі, як бы цяжка гэта ні было. Але дыялог дзейнічае толькі тады, калі ён падмацаваны моцнай абаронай».
Выступаючы на мерапрыемстве Нямецкага фонду Маршала «Рэфлексіі на складанае дзесяцігоддзе», генеральны сакратар НАТА Енс Столтэнберг адзначыў, што адным з урокаў мінулага, якія з'яўляюцца цэнтральнымі для поспеху НАТА ў будучым, заключаецца ў тым, што «вайсковая магутнасць з'яўляецца перадумовай для дыялогу».
«Мы павінны размаўляць з нашымі суседзямі, як бы цяжка гэта ні было. Але дыялог працуе толькі тады, калі ён падмацаваны моцнай абаронай», —
сказаў Столтэнберг і адзначыў, што прыклад Украіны гэта наглядна паказвае.
«Мы ўсе хочам, каб гэтая вайна скончылася. Самы хуткі спосаб скончыць вайну — прайграць яе, але гэта прынясе не мір, а расійскую акупацыю», — падкрэсліў генеральны сакратар альянсу.
Па словах Столтэнберга, Пуцін лічыць, што можа дасягнуць сваіх мэт ваенным шляхам і «верыць, што можа перачакаць нас».
«Я не веру, што мы можам змяніць меркаванне Пуціна. Але я веру, што мы можам змяніць яго разлік», —
сказаў Столтэнберг і патлумачыў, што пастаўкі большай колькасці зброі Украіне могуць прымусіць Пуціна зразумець, што сілай ён не атрымае тое, чаго хоча.
«Парадокс заключаецца ў тым, што чым больш зброі мы зможам паставіць Украіне, тым большая імавернасць таго, што мы зможам дасягнуць міру. Чым мацнейшая наша доўгатэрміновая падтрымка Украіны, тым хутчэй можа скончыцца вайна», — падкрэсліў Столтэнберг.
Генеральны сакратар НАТА адзначыў, што Расія павінна ўдзельнічаць у будучых мірных перамовах. Вядома, што Мінскія пагадненні пасля ўварвання Расіі ў 2014 годзе міру не прынеслі. Таму любая будучая дамоўленасць павінна быць падмацавана моцнай падтрымкай Украіны і надзейнымі гарантыямі бяспекі, каб забяспечыць трывалы мір.
«Не можа быць устойлівай бяспекі ў Еўропе без стабільнай Украіны. І не можа быць бяспекі для Украіны без яе членства ў НАТА. Дзверы ў НАТА адкрыты. Украіна далучыцца», — сказаў генеральны сакратар альянсу.
Енс Столтэнберг таксама заявіў, што краінам НАТА ўжо недастаткова выдаткоўваць 2% ВУП на абарону для выканання ўзгодненых планаў і заклікаў краіны альянсу павялічыць інвестыцыі ў яе.
«Адмываў гаўно з унітазаў, мы там як самыя кончаныя». Блогер Вадзім Vadimati Ермашук — пра тое, як жыў у калоніі ў «нізкім статусе»36
Каментары
Гэтым вайна не скончыцца, у лепшым выпадку яна прыпыніцца. Пасля Расея пойдзе далей. Раз атрымалася тут, чаму не працягваць?