Філосаф Дзермант: Беларускае грамадства горача падтрымлівае інтэграцыю з Расіяй
Свае погляды наконт інтэграцыі з Расіяй выказаў удзельнік арганізаванай Фондам падтрымкі публічнай дыпламатыі імя А.М. Гарчакова навукова-адукацыйнай праграмы «Дыялог у імя будучыні — 2013» (Фонд Гарчакова — грантавая праграма, блізкая да расійскага МЗС, старшынём апякунскай рады міністр Сяргей Лаўроў), навуковы супрацоўнік Інстытута філасофіі НАН Беларусі, галоўны рэдактар альманаха «Сівер», каардынатар грамадскага праекта «Цытадэль» Аляксей Дзермант: «Я думаю, аб аднастайнасці ўспрымання нельга казаць. Есць людзі, якія хацелі б рухацца ў бок Еўропы.
Але мне здаецца, што пераважная большасць прадстаўнікоў беларускай грамадзянскай супольнасці, нашай інтэлігенцыі падтрымлівае інтэграцыю з Расіяй і стварэнне Еўразійскага саюза. І такая падтрымка ў найбліжэйшы час не аслабне.
Інтэграцыя з Расіяй — аб'ектыўны працэс.
На маю думку, людзі разумеюць, што эканоміка краіны выйграе менавіта ад інтэграцыі з нашым усходнім суседам. А вопыт еўрапейскай інтэграцыі паказвае, што вельмі часта гэта аказваецца нявыгадна», — мяркуе Дзермант.
* * *
А Вы як думаеце? Выказвайцеся ў каментах!
Каментары