«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві
У выступе перад афіцэрамі 6 ліпеня Аляксандр Лукашэнка акцэнтаваў, што іх «на бойню пасылаць не будзе», але гучала гэта як перадваенная апрацоўка. Калі б Аляксандр Лукашэнка сапраўды хацеў утрымаць Беларусь ад непасрэднага ўдзелу ў ваенным канфлікце, ён найперш спыніў бы распальванне варожасці да суседніх краін і Еўропы ў цэлым. Тое, што гэтага не адбываецца, сведчыць пра адваротнае.
Аляксандра Лукашэнку зноў падводзіць здароўе. Выступ перад афіцэрамі 6 ліпеня даўся яму цяжка, адчувалася дыхавіца, ён з цяжкасцю вымаўляў некаторыя словы, нават такія, здавалася б, нескладаныя, як «ізлішне».
«Яшчэ раз падкрэсліваю, шаноўныя таварышы, ніхто вас у гэтую бойню пасылаць не будзе. Вайна нам не патрэбная, гэта кепска, што вайна ідзе ва Украіне», — сказаў Аляксандр Лукашэнка.
Калі вырваць гэтыя фразы з кантэксту, гэта магло б гучаць як намер утрымаць Беларусь ад уступлення ў вайну. Аднак кантэкст быў зусім іншым:
«Вайна нам не патрэбна, гэта дрэнна, што вайна ідзе ва Украіне. Мы прыхільнікі мірнага вырашэння пытанняў. Але, як я сказаў, міжнародная «партыя вайны» гэтага не хоча», — дадаў Лукашэнка.
Гэта мяняе сэнс: мы не хочам вайны, але яна будзе.
Лукашэнка распальваў варожасць да краін Еўропы, НАТА і Украіны так, нібыта гэта яны, а не Расія, распачалі крывавую бойню. Лукашэнка гаварыў пра фактычную непазбежнасць вайны, але перакладаў адказнасць за яе на тых, хто абараняецца цяпер ці рыхтуецца да абароны заўтра.
«Крывадушна дэкларуючы прыхільнасць да міру, Еўрапейскі саюз адкрыта ўзяў курс на мілітарызацыю. Гэта фактычна НАТА. Пры гэтым нагнятаецца абсурдная істэрыя наконт уяўнай пагрозы з Усходу», — сказаў Лукашэнка.
Імперыялістычны напад Расіі на Украіну ён працягвае з расійскаарыентаванай паліткарэктнасцю называць «канфліктам».
«Асобных заходніх палітыкаў проста раздражняюць нашы самастойнасць і незалежнасць. Наш саюз з Расіяй і прыхільнасць да мірнага ўрэгулявання канфлікту ва Украіне», — сказаў Лукашэнка.
«Зразумела, што спадчыннікаў Трэцяга рэйха мучаць фантомныя болі ад ранейшых ваенных няўдач іх дзядоў і прадзедаў. Не дае спакою жаданне рэваншу», — сказаў ён на адрас фантомных «нашчадкаў Трэцяга рэйха».
«Пра нешта мы не гаворым, памоўчваем», — заявіў ён, гаворачы пра напружанасць на мяжы Беларусі і Украіны.
Некалькі дзён таму галоўнакамандуючы ўкраінскай арміяй генерал Сырскі даў зразумець, што Украіна знішчыла некаторыя рэтранслятары на беларускай тэрыторыі, якія выкарыстоўваліся Расіяй для карэкціроўкі дронавых удараў па Украіне. Афіцыйнай інфармацыі пра гэта не было.
«У каго гарачыя галовы, тыя павінны астудзіць іх», — сказаў Аляксандр Лукашэнка, што прагучала як словы, адрасаваныя прэзідэнту Украіны Уладзіміру Зяленскаму.
Лукашэнка заявіў, што ядзерная зброя і «Арэшнік» — «гэта не хлам» і пагражаў іх прымяненнем. Аднак жа ў выпадку выкарыстання ядзернай зброі з тэрыторыі Беларусі, па нашай краіне, хутчэй за ўсё, будзе нанесены аналагічны ўдар у адказ.
Лукашэнка паабяцаў вайскоўцам не пасылаць іх у «гэту бойню» ва Украіне
Лукашэнка прыняў з дакладам Лукашэнку
Цырымонія ўскладання кветак да Кургана Славы прайшла без Лукашэнкі
У якім выпадку Кіеў будзе лічыць, што мае права нанесці ўдар па беларускіх НПЗ? Украінскі эксперт назваў галоўную ўмову
Сцэнар, пры якім Расія атрымае адчуванне перамогі ва Украіне, беларускія эксперты лічаць самым небяспечным для Беларусі
Мінчанка Ангеліна, якая прасіла ў Лукашэнкі кватэру за тройню, атрымала жыллё18
Каментары