Неабходна ўкараняць новую эканамічную мадэль, заснаваную на прыватных інвестыцыях у канкурэнтаздольныя вытворчасці, заявіла старшыня Цэнтрабанка Расіі Эльвіра Набіуліна.
«Даходы ад нафты інвеставаліся ў эканоміку, у прамысловасць і будаўніцтва. Цяпер цэны на нафту высокія, але не пастаянна растуць. Таму мадэль развіцця трэба мяняць», — перадае словы Набіулінай ІТАР-ТАСС.
Паводле яе словаў, новая мадэль павінная забяспечыць інвестыцыі ў канкурэнтаздольныя, несыравінныя вытворчасці. «Гэтыя грошы пачнуць даваць аддачу праз 3-5 гадоў», - паведаміла старшыня ЦБ, падкрэсліўшы, што «для інвестыцый павінныя быць створаныя пэўныя ўмовы».
Па словах Набіулінай, пакуль гэтага не адбылося, захаваюцца нізкія тэмпы эканамічнага развіцця. Раней ЦБ паведамляў, што яго прагноз па росце эканомікі РФ на 2014 год складае 2%. «Гэта не тыя тэмпы росту, якія нам патрэбныя», — адзначыла старшыня ЦБ.
Каментары