Сепаратысты ў Славянску абвясцілі паляванне на людзей, якія гавораць па-ўкраінску. Пра гэта заявіў лідэр сепаратыстаў Славянска Вячаслаў Панамароў.
Ён папрасіў мясцовых жыхароў паведамляць «народнай дружыне» аб усіх падазроных асобах ў горадзе, «асабліва тых, хто размаўляе на ўкраінскай мове».
Панамароў таксама паабяцаў, што ў мясцовых СМІ апублікуюць тэлефонны нумар для паведамленняў аб «падазроных асобах».
Акрамя таго, Панамароў заявіў, што ў горадзе забароненыя апазыцыйныя палітычныя сілы — «Удар», «Свабода», «Бацькаўшчына « — і агітацыя за іх.
Таксама лідэр сепаратыстаў паведаміў, што 22 красавіка ў горадзе адбудзецца «першае пасяджэнне гарадскога савета», а 11 траўня ў горадзе правядуць рэферэндум аб федэрацыі і рускай мове.
Каментары