Аргенцінцы прайгравалі Егіпту 0:2, але змаглі вырваць перамогу. Ізноў Месі!
Зборная Аргенціны выйшла ў чвэрцьфінал чэмпіянату свету па футболе, перамогшы Егіпет з лікам 3:2. Па ходзе другога тайма дзейныя чэмпіёны свету прайгравалі 0:2, але здолелі зрабіць яркі камбэк.
У першым тайме егіпцяне адкрылі лік пасля розыгрышу вуглавога — забіў Ясэр Эль-Ханафі. Неўзабаве Аргенціна атрымала права на пенальці, але зорны Ліянэль Месі не здолеў перайграць брамніка. Пасля таго да перапынку аргенцінцы шмат атакавалі, аднак зраўняць лік не змаглі.
У другой палове сустрэчы Егіпет павялічыў перавагу да двух мячоў — адзначыўся Мастафа Зіка. Пасля гэтага Аргенціна значна ўзмацніла націск. Спачатку адзін гол адыграў Крысціян Рамера пасля перадачы Месі, а затым сам капітан аргенцінцаў вызначыўся дакладным ударам і зрабіў лік роўным.
Пераможны мяч ужо ў кампенсаваны час забіў Энца Фернандэс пасля флангавай перадачы Лаўтара Марцінэса. У выніку Аргенціна перамагла з лікам 3:2 і працягне барацьбу за тытул.
Нягледзячы на незабіты пенальці, 39‑гадовы Месі адзначыўся голам і працягнуў сваю выніковую серыю на чэмпіянаце свету. Ён таксама дапамог камандзе арганізаваць адзін з галоў і ўнёс вырашальны ўклад у валявую перамогу.
39‑гадовы аргенцінец з 8 галамі лідзіруе ў спісе найлепшых бамбардзіраў ЧС-2026. Другое месца дзеляць француз Кіліян Мбапэ і нарвежац Эрлінг Холанд (па 7 галоў), следам ідзе англічанін Хары Кейн (6 мячоў).
Усяго ў Ліянэля Месі цяпер 21 гол на чэмпіянатах свету. Ён узначальвае спіс найлепшых бамбардзіраў у гісторыі мундыяляў. Другім ідзе Кіліян Мбапэ — у яго 19 галоў. Пры гэтым аргенцінец правёў 31‑ю гульню, а ў француза 19 матчаў. У немца Міраслава Клозэ 16 галоў, у партугальца Крышціяну Раналду — 15, па 14 мячоў забілі Хары Кейн і немец Герд Мюлер, які гуляў яшчэ ў 1970-я.
«Гэты дзікун чуў толькі пра шымпанзэ». Парагвайская сенатарка справакавала расісцкі скандал з Мбапэ
Крышціяну Раналду не змог стрымаць слёз пасля вылету Партугаліі з чэмпіянату свету ФОТАФАКТ
Трамп пацвердзіў, што асабіста прасіў кіраўніка ФІФА не дыскваліфікоўваць форварда зборнай ЗША перад 1/8 фіналу
Бельгія з грукатам выбіла ЗША з чэмпіянату свету
Англійскі паўабаронца на мундыялі ўмудрыўся атрымаць жоўтую картку і сур'ёзную траўму, нават не выйшаўшы на поле
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары
Тым ня менш, гэта каманда Аргентыны наўрад-ці здольная скласьці канкурэнцыю французам, англічанам, або гішпанцам, але швайцараў ці калумбійцаў павінна прайсьці. Я так лічу.