Свет33

Зяленскі ў Анкары: Вы сапраўды лічыце правільным, каб краіна з такім досведам заставалася па-за НАТА?

Прэзідэнт Украіны Уладзімір Зяленскі падчас выступу на Форуме абаронных індустрый НАТА, які праходзіць у Анкары, заявіў, што Украіна мае ўнікальны досвед сучаснай вайны, а яе абаронныя і бяспекавыя магчымасці істотна ўмацуюць НАТА ў выпадку, калі яна стане сябрам Альянсу.

Уладзімір Зяленскі. Фота: AP Photo/Hussein Malla

«У мяне ёсць да вас пытанне: вы сапраўды лічыце правільным, каб краіна і народ з такім узроўнем абаронных магчымасцяў заставаліся па-за НАТА? Калі мы ўжо маем такія здольнасці, калі ўкраінцы ўжо навучыліся так ваяваць, то цалкам лагічна, каб гэтыя магчымасці сталі часткай калектыўнай абароны Альянсу. Гэта зробіць мацнейшымі ўсіх нас», — сказаў Зяленскі.

Ён адзначыў, што Украіна і НАТА ўжо бачаць адно аднаго як надзейных партнёраў.

«І цалкам натуральна было б стаць часткай адзінай супольнасці бяспекі. Улічваючы тое, што мы яшчэ доўга будзем заставацца побач з крыніцай пагрозы — Расіяй, Украіна ў НАТА будзе азначаць з’яўленне выключна моцнай абароннай здольнасці», — падкрэсліў прэзідэнт Украіны.

На пацвярджэнне сваіх слоў Зяленскі нагадаў, што Сілы абароны Украіны штомесяц знішчаюць каля 30 тысяч расійскіх салдат.

«Толькі ў чэрвені было ліквідавана амаль 28 тысяч расійскіх вайскоўцаў. І мы маем відэапацвярджэнне кожнага такога выпадку. Пераважную большасць з іх паразілі дронамі. І, шчыра кажучы, мы зусім не ганарымся гэтым. Я кажу пра гэта толькі для таго, каб паказаць, які выгляд мае сучасная вайна. Гэта вайна, якую мы не пачыналі, але якую вымушаныя весці, каб абараніць сваю краіну, сваіх людзей і сваіх дзяцей», — патлумачыў кіраўнік украінскай дзяржавы.

Паводле яго слоў, украінскія Сілы абароны павысілі ўзровень перахопу расійскіх дронаў тыпу «шахед» да больш чым 90%.

«Гэта азначае, што штотыдзень мы збіваем тысячы расійскіх ударных беспілотнікаў. І пры ўсёй павазе, ніводная іншая краіна не мела досведу абароны ад атак дронаў у такіх маштабах. Рэальнасць гэтай вайны вымусіла нас стварыць такія магчымасці. Сёння мы абараняемся ад сотняў ударных дронаў штодня і штоноч, а таксама ад тысяч штотыдзень і штомесяц. Абаронны сектар Украіны развіў гэтыя магчымасці падчас поўнамаштабнай вайны», — адзначыў Зяленскі.

Ён таксама згадаў пра кампанію па гарантаванні бяспекі Чорнага мора з дапамогай марскіх беспілотнікаў.

«Гэта ўжо не проста ўдарныя дроны, прызначаныя для знішчэння расійскіх вайсковых караблёў у моры. Нашы марскія дроны ўжо ператварыліся ў шматфункцыянальныя платформы, здольныя наносіць удары з мора па розных цэлях як на сушы, так і ў паветры», — заўважыў Зяленскі.

Паводле яго слоў, адначасова Украіна ваюе ў небе на двух ключавых кірунках: абараняе людзей ад расійскіх атак і ажыццяўляе дальнабойныя ўдары па Расіі як адказ на гэтую вайну, а таксама паражае аб’екты па ўсёй глыбіні часова акупаваных тэрыторый Украіны.

З усім гэтым досведам, як адзначыў Зяленскі, Украіна істотна ўмацуе НАТА, калі стане яго часткай.

Каментары3

  • Рацыя
    07.07.2026
    Усё слушна сказаў спадар Зяленскі.
  • 30, потом 28 тысяч в месяц?
    07.07.2026
    К концу года от русских должно ничего не остаться.
  • Boba
    10.07.2026
    Зеленский имел в виду уровень коррупции?

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць