Заўзятары зборнай Расіі ў дзень адкрыцця чэмпіянату свету па хакеі хочуць адзначыць Дзень Перамогі праходам арганізаванай калонай па вуліцах Мінска.
78-ы чэмпіянат свету стартуе 9 мая. Заўзятары зборнай Расіі не збіраюцца ігнараваць памятную дату. Як паведаміў прэзідэнт Клуба заўзятараў Russia Unites Эдуард Латыпаў, у гэты дзень па вуліцах Мінска заўзятары пройдуць арганізаванай калонай і прымуць удзел у запланаваных мясцовымі ўладамі мерапрыемствах.
«Адкрыццё чэмпіянату свету ў гэтым годзе трапляе на 9 мая. Традыцыйна мы ладзім мерапрыемствы, прысвечаныя Дню Перамогі. Як раз 9 мая плануем арганізаваць калону расійскіх заўзятараў і паўдзельнічаць у мерапрыемствах у Мінску. Зараз вядзем перамовы з гэтай нагоды з пасольствам РФ у Беларусі, і з Мінгарвыканкамам, які займаецца арганізацыяй чэмпіянату свету», — паведаміў Латыпаў
Пра тое, у якім фармаце пройдзе святкаванне Дня Перамогі і пра месца збору заўзятараў Латыпаў абяцае паведаміць пазней.
Чыноўнікі прагаварыліся, што ў Беларусі засталося толькі 8,8 мільёна чалавек? Гэта няправільная выснова5
Каментары