Памерла «Жанчына-котка» — амерыканская свецкая львіца, якая стала вядомай як ахвяра пластычнай хірургіі
Памерла Джослін Вільдэнштэйн, нью-ёркская свецкая ільвіца па мянушцы «Жанчына-котка». Ёй было 84 гады.
Яе партнёр Лойд Кляйн паведаміў AFP, што Вільдэнштэйн памерла ад тромбаэмбаліі лёгачнай артэрыі ў парыжскім палацы ў аўторак 31 снежня.
Вільдэнштэйн, вядомая сваімі кацінымі рысамі твару і любоўю да пластычнай хірургіі, упершыню трапіла ў загалоўкі газет у канцы 90-х, калі развялася са сваім багатым мужам-калекцыянерам твораў мастацтва Алекам Вільдэнштэйнам, выявіўшы яго «ў ложку з 19-гадовай рускай мадэллю», піша The New York Post.
Пасля разводу яна стала адной з самых багатых людзей у свеце, атрымаўшы кампенсацыю ў памеры 2,5 мільярда даляраў. Акрамя таго, яна атрымлівала яшчэ 100 мільёнаў даляраў штогадовых выплат ад Алека на працягу 13 гадоў.
Аднак да 2018 года велізарнае багацце знікла. Вільдэнштэйн падала заяву аб банкруцтве ў Нью-Ёрку.
Пасля скасавання шлюбу з Алекам, які памёр у 2008 годзе ва ўзросце 67 гадоў, у Вільдэнштэйн з 2003 года пачаўся бурны 20-гадовы раман з мадэльерам Лойдам Кляйнам.
Апантанасць жанчыны пластычнай хірургіяй была добра задакументавана на працягу многіх гадоў. Аднак яна заяўляла, што ніколі не рабіла пластычных аперацый.
«Калі я пакажу вам фатаграфіі маёй бабулі, вы ўбачыце гэтыя вочы — каціныя вочы — і высокія скулы», — казала яна ў адным інтэрв'ю.
Казалі, што яна хацела выглядаць як котка з-за любові свайго першага мужа да котак.
Некаторыя знаёмыя лічылі, што яе мэтай было выглядаць як рысь (у свецкай ільвіцы была рысь у якасці гадаванца).
У Вільдэнштэйн засталіся дачка Дыяна і сын Алек-малодшы.
-
«Гэта не маё, гэта сябра». Беларус здымае рэакцыю ахоўнікаў метро на фалаімітатары ў заплечніку — відэа збіраюць мільёны праглядаў
-
Сем тыпаў «п’янай асобы»: кім вы становіцеся пад уздзеяннем алкаголю і што гэта азначае?
-
У Сан-Францыска жыве кот, якога завуць Беларусь. Прытым гаспадыня яго — звычайная амерыканка
Цяпер чытаюць
Мінчук абурыўся кантынгентам у сталічным метро: Усе з новымі айфонамі, але не могуць дазволіць сабе танную машыну ці паездкі на таксі?20
Каментары