У Чарнагорыі ў першы дзень новага года стралок забіў як мінімум 12 чалавек
Параненыя знаходзяцца ў крытычным стане.
Як мінімум 12 чалавек, у тым ліку двое дзяцей, былі забітыя ў сераду ўдзень, 1 студзеня, у горадзе Цэцінье ў Чарнагорыі. Яшчэ чацвёра атрымалі раненні. Пра гэта паведаміў міністр унутраных спраў Даніла Шаранавіч, перадае Балканская служба Радыё Свабода.
Падазраваны Аца Марцінавіч скончыў жыццё самагубствам. Паводле версіі следства, Марцінавіч забіў чатырох чалавек у адным з бараў у цэнтральнай частцы горада, а затым у іншых раёнах — яшчэ некалькі чалавек, сярод якіх ёсць члены яго сям’і.
Раненыя, паводле слоў медыкаў, знаходзяцца ў крытычным стане.
Спачатку паведамлялася, што стралок знік. На вуліцах Цэцінье былі сканцэнтраваныя паліцэйскія, у некаторых раёнах перакрыты рух, а ўсе выезды з горада заблакаваныя. Да пошуку стралка далучылася армія.
У заяве паліцыі ўдакладняецца, што здарэнне не звязана з канфліктамі паміж арганізаванымі злачыннымі групамі. Марцінавіч быў умоўна асуджаны ў 2005 годзе за хуліганства на год турмы, але не лічыўся асобай, якая ўяўляе пагрозу бяспецы.
У 2022 годзе ў Марціновіча былі знойдзены зброя і выбухоўка. За гэта яго прысудзілі да трох месяцаў турмы.
Урад Чарнагорыі абвясціў трохдзённую жалобу — 2, 3 і 4 студзеня — у сувязі з трагедыяй у Цэцінье. У Падгорыцы, Будве і Котары адменены навагоднія канцэрты.
Улады Чарнагорыі пасля здарэння разглядаюць магчымасць поўнай забароны на валоданне зброяй.
-
Расійская неанацыстка, якая адсядзела 16 гадоў за забойства адваката і журналісткі: Ён напрошваўся сваімі поглядамі на чачэнскую кампанію
-
Зяленскі: Мірны план ЗША скарацілі з 28 да 20 пунктаў, але ў Трампа ўласнае бачанне
-
Кая Калас — беларусам: Вы можаце разлічваць на Еўрапейскі саюз. Большасць краін ЕС выйшлі з халоднага аўтарытарнага мінулага
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1818
Каментары