У ноч на чацвер, 2 студзеня, украінскі «Энергаатам» паставіў Малдове электраэнергію, неабходную для пакрыцця дэфіцыту, паведамляе NewsMaker са спасылкай на малдаўскую Energocom.
У дзяржаўнай кампаніі паведамілі, што на мяжы Малдовы і Румыніі пастаўкі электраэнергіі абмежаваныя аб’ёмам у 315 МВт з неабходных 650-800 МВт. Кішынёў рэзервуе частку электраэнергіі на штодзённых аўкцыёнах з магутнасцяў, якія не выкарыстоўваюцца на іншых межах Румыніі з суседнімі краінамі.
«Мы дадаткова будзем закупляць электраэнергію ва ўкраінскага «Энергаатама» — у начныя гадзіны, калі ў нашых калег ёсць лішак энергіі, і яны могуць яе экспартаваць», — паведаміў Energocom.
У Малдове 16 снежня быў уведзены рэжым надзвычайнай сітуацыі ў энергетыцы, а за некалькі дзён да гэтага — у непрызнаным Прыднястроўі.
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары