Гарадская адміністрацыя назвала лічбу 18 забітых і 66 параненых за 18 ліпеня. Сярод іх ёсць як вайскоўцы, так і мірныя жыхары. Гэта вынік баёў, што перасунуліся ў мяжу абласнога цэнтра. Яны працягваліся цэлы вечар.
Увечары міністр абароны Украіны рапартаваў, што ўкраінскія войскі занялі паўднёвы ўсход горада.
І ўкраінская армія, і прарасійскія баевікі ўжываюць артылерыю. У гарадскіх умовах гэта прыводзіць да гібелі мірнага насельніцтва.
Захоп паўднёвага ўсходу Луганска важны ў стратэгічным плане. Калі ўкраінцам ўдасца замацавацца там, будуць перарэзаны шляхі забеспячэння тэрарыстаў зброяй з Расійскай Федэрацыі. Менавіта ў паўднёва-ўсходнім кірунку праходзіць дарога Луганск — Краснодон — Ізварына — мяжа Расіі.
Жыхары Луганска паведамляюць у сацыяльных сетках, што ў дадзены момант ва ўсім горадзе чуваць аўтаматная і кулямётная страляніна.
Тры дні назад украінцы ўжо дайшлі да паўднёвага захаду 450-тысячнага горада і да аэрапорта, але былі вымушаны адступіць пад ударамі «Градаў».
«Міністр абароны генерал-палкоўнік Валерый Гелятэй далажыў прэзідэнту Украіны Пятру Парашэнку аб тым, што Узброеныя Сілы Украіны ўзялі пад кантроль паўднёва-ўсходнюю частку горада Луганск. Таксама ўкраінскія вайскоўцы разблакавалі аэрапорт Луганска. Узброеныя Сілы працягваюць вызваленне населеных пунктаў Украіны ад груповак баевікоў», — гаворыцца ў паведамленні прэс-службы прэзідэнта Украіны.
Аперацыю правяла механізаваная 30-я брыгада.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары