«Пасажыры прасілі знізіць хуткасць». Названыя прычыны ДТЗ з маршруткай у Светлагорскім раёне, дзе загінулі шэсць чалавек
Адна з пасажырак нават паспела выйсці незадоўга да аварыі.
Трагедыя здарылася вечарам 10 кастрычніка мінулага года на 72‑м км дарогі Бабруйск — Мазыр — мяжа Украіны.
46‑гадовы кіроўца на мікрааўтобусе Mercedes выконваў рэйс Мінск—Мазыр. Ён пайшоў на абгон, зачапіў паўпрычэп трактара, пасля чаго мікрааўтобус выехаў на сустрэчную паласу, дзе сутыкнуўся з аўтамабілем Volkswagen.
Паводле версіі следства, кіроўца маршруткі перавысіў хуткасць на 11 км/г, не прыняў мер да яе зніжэння і дапусціў сутыкненне.
«Следчыя высветлілі, што пацярпелыя неаднаразова прасілі кіроўцу маршруткі знізіць хуткасць, аднак ён ігнараваў іх звароты, а адна з пасажырак, спалохаўшыся манеры кіравання абвінавачанага, адмовілася ад паездкі і пакінула транспартны сродак незадоўга да аварыі», — паведамілі ў СК.
Шэсць чалавек загінулі, 10 трапілі ў бальніцы. На месца трагедыі асабіста выязджаў начальнік ДАІ Віктар Ротчанкаў.
Цяпер чытаюць
Малады работнік «Мінск-Арэны» павінен заплаціць 71 мільён даляраў3
Каментары
[Зрэдагавана]