Сьметнік для адкідаў Ігналінскай АЭС збудуюць ня за 2, а за 4 кілямэтры ад беларускай мяжы
.
Літва ўлічыла патрабаванні Беларусі пры выбары месца для будаўніцтва сховішча радыеактыўных адходаў, паведаміў карэспандэнту БЕЛТА першы намеснік міністра прыродных рэсурсаў і аховы навакольнага асяроддзя Беларусі Аляксандр Апацкі.
«Літва пайшла насустрач і прыняла да ўвагі некаторыя нашы прапановы, звязаныя з будаўніцтвам сховішча радыеактыўных адходаў», — сказаў ён. Так, новы аб’ект размесціцца на пляцоўцы Стабацішкес
Аляксандр Апацкі таксама адзначыў, што Літва прадаставіла Беларусі інфармацыю аб уздзеянні свайго сховішча на навакольнае асяроддзе ў трансгранічным кантэксце. Некаторыя даныя выклікалі пытанні ў спецыялістаў Мінпрыроды Беларусі.
«Так, мы хацелі б ведаць, якія меры будуць прыняты ў выпадку надзвычайнай сітуацыі ў зоне сховішча, аднак адказу пакуль не атрымалі, — сказаў ён. — Спадзяёмся, што ў хуткім часе гэты запыт будзе задаволены».
Паводле слоў першага намесніка міністра, з літоўскім бокам пастаянна вядзе перагаворы рабочая група, у якую ўваходзяць прадстаўнікі Мінпрыроды, Міністэрства аховы здароўя і МНС Беларусі.
Работы па стварэнню сховішча ў Літве і яго запаўненню радыеактыўнымі адходамі будуць праходзіць пад кантролем міжнародных экспертаў.
«Са свайго боку мы прымем самыя жорсткія меры па забеспячэнню кантролю за гэтым аб’ектам: у раёне граніцы з Літвой спецыялісты Мінпрыроды будуць праводзіць не толькі даследаванні ўзроўню забруджання паветра, але і глебы, унутраных і паверхневых вод, — сказаў ён. — Мы хочам быць поўнасцю перакананы, што здароўю насельніцтва Беларусі нішто не пагражае».
Аляксандр Апацкі таксама дадаў, што Літва плануе пабудаваць новую атамную станцыю на месцы Ігналінскай АЭС.
«Беларусь прыме актыўны ўдзел у абмеркаванні гэтага пытання і накіруе свае заўвагі і прапановы літоўскаму боку», — дадаў першы намеснік міністра.
23‑гадовы рэпер з Астраўца загінуў за Расію на вайне. Паваяваў ён, відаць, каля месяца17
Каментары