Іранскую блогерку і актывістку Дзіяну Бахадор, вядомую як Baby Rider, застрэлілі падчас пратэстаў у Іране. Яна любіла матацыклы, выконвала трукі, публічна з’яўлялася ў інтэрнэце без хіджаба і смела пратэставала супраць жорсткіх рэпрэсій іранскага рэжыму, піша BILD.
Інфлюэнсерку, па інфармацыі The Telegraph, забілі прадстаўнікі органаў бяспекі падчас нядаўніх пратэстаў у Іране.
Праваабарончыя арганізацыі кажуць пра прыцэльныя стрэлы, відавочцы — пра прымяненне цяжкай зброі. Меркавана, у яе патрапілі дзве кулі.
Яе цела перадалі сям’і толькі праз два дні. Незалежнага расследавання не праводзілася. Рэжым адхіляе абвінавачванні: іранскія дзяржаўныя СМІ заявілі пра аварыю на матацыкле. Інфлюэнсерка нібыта страціла кантроль над транспартным сродкам і ўрэзалася ў адбойнік.
Baby Rider адкрыта выступала супраць правілаў рэжыму мул і паказвалася ў сетцы без хіджаба. У яе было каля 200 тысяч падпісчыкаў у інстаграме.
Сям’я была вымушана правесці тайнае пахаванне і публічна заявіць, што адбыўся няшчасны выпадак.
Цяпер чытаюць
Былы міністр культуры Руслан Чарнецкі знайшоў сабе падпрацоўку9
Каментары