Вядомы бізнэсмен прасіў Польшчу зняць з яго забарону на ўезд у Шэнгенскую зону
Беларускі бізнэсмен Валянцін Байко, уладальнік кампаніі «Контэ Спа», прасіў Польшчу зняць з яго забарону на ўезд. Міністэрства ўнутраных спраў і адміністрацыі, аднак, не знайшло падстаў для адмены абмежаванняў. На дзяржаўным партале прыводзіцца абгрунтаванне гэтага рашэння, піша Most.
Нацыянальныя санкцыі супраць Байко 29 мая 2023 года ўвёў кіраўнік МУС Польшчы па заяве кіраўніка Агенцтва ўнутранай бяспекі. Падставай паслужыла сяброўства Байко ў Савеце Рэспублікі. На гэтай пасадзе бізнэсмен удзельнічаў у прыняцці законаў, якія абмяжоўваюць правы і свабоды грамадзян Беларусі, у тым ліку польскай меншасці.
У міністэрстве палічылі, што ўезд і знаходжанне Валянціна Байко ў Польшчы пагражаюць бяспецы дзяржавы і яе міжнароднай пазіцыі. Актывы бізнэсмена ў Польшчы былі замарожаныя, а яго самога ўнеслі ў спіс асоб, непажаданых на тэрыторыі краіны. Польшча ўнесла даныя Байко ў Шэнгенскую інфармацыйную сістэму (SIS II), што робіць для яго немагчымым наведванне любой з краін Шэнгенскага пагаднення.
17 снежня 2025 года ў Міністэрства ўнутраных спраў і адміністрацыі Польшчы паступіла заява ад юрыдычнай фірмы ў Бухарэсце (Румынія), якая ад імя Валянціна Байко прасіла выключыць яго даныя з Шэнгенскай інфармацыйнай сістэмы. Бізнэсмен сцвярджаў, што ўнясенне яго ў спіс непажаданых асоб незаконнае, бо нібыта адсутнічае абгрунтаванне пагрозы, якую ён уяўляе. Байко заявіў, што санкцыі — гэта дыскрымінацыя за яго парламенцкую дзейнасць і палітычную прыналежнасць і што абмежаванні негатыўна адбіваюцца на яго асабістым і прафесійным жыцці.
Кіраўнік міністэрства зноў звярнуўся за ацэнкай у Агенцтва ўнутранай бяспекі. У ведамстве палічылі, што няма падстаў паслабляць альбо адмяняць абмежаванні супраць Байко, бо ён па-ранейшаму мае моцныя сувязі з рэжымам Лукашэнкі як у палітычнай, так і ў бізнэс-сферы.
Міністр унутраных спраў і адміністрацыі пагадзіўся з ацэнкай спецслужбы і пакінуў у сіле забарону ўезду для Валянціна Байко.
Тапузідзіс і Пятровіч сталі ўладальнікамі аднаго з найбуйнейшых гандлёвых цэнтраў Гомеля
«Пазыкі ўзялі, вярнуць не могуць». Лукашэнка растлумачыў, што не так рабіў на «Амкадоры» Аляксандр Шакуцін
«Ён казаў, што золата з сабой не забярэш, лепей зрабіць нешта для іншых». Дачка бізнэсмена Каліна расказала, як разам з братам чакае яго з калоніі
Сын кашалька Лукашэнкі заняўся ў Беларусі аўтабізнэсам
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары