Баевікі абстралялі з мінамётаў і сістэмы «Град» калону бежанцаў у Луганскай вобласці. Пра гэта Украінскай праўдзе паведаміў кіраўнік прэс-цэнтра АК «Поўнач» Анатоль Прошын.
«Каля 09:40 пры вывадзе бежанцаў з населеных пунктаў Храшчуватае і Новасветлаўка баевікамі быў нанесены масіраваны агнявы ўдар па гэтай калоне з мінамётаў і рэактыўнай артылерыі «Град», — сказаў ён.
«У выніку маецца вялікая колькасць ахвяр. Людзі згарэлі проста ў аўтамабілях, якімі іх выводзілі. Людзі проста не паспелі пакінуць транспартныя сродкі», - адзначыў Прошын.
«Гэтую калону ўцекачоў вывозіла наша камандаванне, каб людзі не пацярпелі. Таму ў тых гарадах ідуць інтэнсіўныя баявыя дзеянні», — дадаў ён.
Паводле яго слоў, колькасць ахвяр пакуль не ўстаноўлена.
Таксама пакуль няма ніякіх іншых падрабязнасцей.
Каментары