Міністр абароны Украіны Валерый Геляцей размясціў сёння ў сваім фэйсбуку зварот да родных і блізкіх расійскіх ваеннаслужачых:
«Сёння Узброеныя Сілы Украіны захапілі ў палон шмат расійскіх вайскоўцаў. Афіцыйна яны знаходзяцца на вучэннях у самых розных кутках Расійскай Федэрацыі. Рэальна — удзельнічаюць у ваеннай агрэсіі супраць Украіны. Іх родныя даўно не могуць выйсці з імі на сувязь і не ведаюць нічога пра іх месцазнаходжанне. Тэрарысты засыпаюць целы загінулых будаўнічай тэхнікай, не пакідаючы нават надпісаў на крыжах.
Я звяртаюся да сваякоў расійскіх вайскоўцаў.
Неадкладна даведайцеся, дзе на самай справе знаходзяцца вашы родныя. Забярыце іх з Украіны, дзе яны вымушаныя гінуць за прыватныя інтарэсы жмені крамлёўскіх чыноўнікаў, якім абыякавы лёс вашых сваякоў і вашай краіны».
Каментары