Беларус пасля п’яных разборак схапіў 13‑сантыметровы нож і адправіў двух суседзяў-украінцаў з ранамі ў бальніцу. Цяпер апеляцыйны суд зменшыў яму тэрмін — вось чаму.
Апеляцыйны суд ва Уроцлаве 8 мая 2026 года часткова змяніў прысуд грамадзяніну Беларусі В. М., асуджанаму за напад з нажом на двух мужчын з Украіны. Тэрмін пазбаўлення волі зменшаны з 4 гадоў 6 месяцаў да 3 гадоў — суд вырашыў, што ў беларуса ўсё ж не было намеру прычыніць небяспечныя для жыцця пашкоджанні.
Паводле матэрыялаў справы, ноччу 11 снежня 2024 года ў населеным пункце К. Легніцкага павета ў адным з жылых пакояў паміж В. М. і двума яго суседзямі з Украіны — Д. У. і У. М. — узнікла спрэчка праз тэлефон: беларус пачаў правяраць асабістыя рэчы мужчын. Пасля гэтага ён выйшаў з пакоя. Вярнуўся з нажом і нанёс удары абодвум.
Д. У. атрымаў колатую рану ў вобласці левых рэбраў даўжынёй 4 см, лячэнне заняло менш за тыдзень. У. М. быў паранены ў жывот, каля пупка, з крывацёкам з тоўстай кішкі — на аднаўленне спатрэбілася больш за сем дзён.
Усе ўдзельнікі падзеі былі п'янымі: у беларуса выявілі 0,75 мг/л алкаголю ў выдыханым паветры, у Д. У. — 1,19 мг/л, ва У. М. — 0,2 мг/л.
Акруговы суд у Легніцы 22 кастрычніка 2025 года прызнаў В. М. вінаватым у замаху на прычыненне цяжкага пашкоджання здароўя і прызначыў яму 4 гады 6 месяцаў пазбаўлення волі.
Апеляцыйны суд не пагадзіўся менавіта з гэтай кваліфікацыяй. Суддзі адзначылі, што глыбіня раны — усяго каля 4 см — была значна меншай за даўжыню ляза нажа, якое складала прыблізна 13 см: калі б беларус сапраўды хацеў прычыніць цяжкія пашкоджанні, у яго была магчымасць нанесці значна глыбейшы ўдар.
Не было і папярэдняга канфлікту паміж бакамі, які сведчыў бы пра намер прычыніць асабліва цяжкую шкоду.
У выніку суд прызнаў, што В. М. дзейнічаў з простым намерам прычыніць пацярпелым пашкоджанні сярэдняй цяжкасці, і пераквалiфікаваў дзеянне на адпаведныя артыкулы Крымінальнага кодэкса Польшчы аб пашкоджаннях сярэдняй і лёгкай ступені цяжкасці.
У выніку апеляцыйны суд прызначыў В. М. 3 гады пазбаўлення волі.
Мінчанка Ангеліна, якая прасіла ў Лукашэнкі кватэру за тройню, атрымала жыллё18
Каментары
мова судоў проста нейкая камедыя!
Ды увогуле кідайце дурное ))