У Харватыі затрымалі ўкраінскага дайвера, якога абвінавачваюць у падрыве «Паўночнага патоку». Раней яго не выдала Польшча
Праз амаль чатыры гады пасля выбухаў на газаправодах «Паўночны паток» у Балтыйскім моры працягваецца нямецкае расследаванне па гэтай справе. У харвацкім горадзе Пула па еўрапейскім ордары на арышт затрымалі яшчэ аднаго грамадзяніна Украіны, якога падазраюць у датычнасці да падрыхтоўкі і ажыццяўлення дыверсіі, піша Euronews.
Паводле інфармацыі Федэральнай пракуратуры Германіі, гаворка ідзе пра ўкраінца Уладзіміра Жураўлёва. Следства лічыць, што ён быў прафесійным вадалазам і ўваходзіў у групу, якая рыхтавала, а верагодна што і ажыццявіла падрыў газаправодаў.
Гэта не першая спроба нямецкіх уладаў затрымаць падазраванага. У 2025 годзе яго ўжо арыштоўвалі ў Польшчы, аднак польскія ўлады адмовіліся выдаваць мужчыну Германіі, пасля чаго яго вызвалілі. Цяпер украінца зноў затрымалі. Пасля экстрадыцыі ў Германію ён павінен паўстаць перад следчым суддзёй Вярхоўнага суда Германіі.
Федэральная пракуратура абвінавачвае мужчыну, сярод іншага, у сумесным ажыццяўленні выбуху з выкарыстаннем выбуховых рэчываў, дыверсіі і разбурэнні інфраструктурных аб'ектаў.
26 верасня 2022 года на газаправодах «Паўночны паток-1» і «Паўночны паток-2» у Балтыйскім моры адбыліся некалькі выбухаў. Трубы атрымалі сур'ёзныя пашкоджанні, а ў мора пачаў масава выходзіць газ. Над паверхняй вады ўтвараліся вялікія газавыя плямы.
Першапачаткова расследаванні праводзілі Германія, Швецыя і Данія. Швецыя і Данія пазней спынілі ўласныя расследаванні, а нямецкія следчыя працягнулі працу.
Паводле версіі нямецкага следства, да падрыхтоўкі дыверсіі магла быць датычная група людзей, якія мелі навыкі глыбакаводнага дайвінгу. Выбуховыя прылады, як мяркуецца, былі ўсталяваныя непасрэдна на трубаправодах. Адным з магчымых элементаў аперацыі следства лічыць парусную яхту.
У апошнія гады нямецкія следчыя ўсё больш засяроджваюцца на грамадзянах Украіны. Раней быў затрыманы і перададзены Германіі яшчэ адзін украінец — Сяргей Kузняцоў. У чэрвені 2026 года Федэральная пракуратура выставіла яму абвінавачанні, у тым ліку ў датычнасці да нападу на цывільныя аб'екты, арганізацыі выбуху, разбурэнні збудаванняў і ўмяшанні ў працу аб'ектаў грамадскай інфраструктуры.
Разбурэнне «Паўночных патокаў» мела не толькі эканамічныя, але і значныя геапалітычныя наступствы, паколькі газаправоды былі адным з галоўных сімвалаў энергетычнага супрацоўніцтва Расіі і Германіі.
Пракуратура Германіі: За падрывам «Паўночных патокаў» стаіць украінская дзяржава
Лідарка ўльтраправай «Альтэрнатывы для Германіі» паабяцала аднавіць імпарт нафты і газу з Расіі ў выпадку перамогі на выбарах
Журналіст-расследавальнік: «Паўночны паток» падарвала былая ню-мадэль з Кіева
Лаўроў: ЗША хочуць забраць «Паўночны паток» і «Паўночны паток — 2»
Германія выдала ордар на арышт падазраванага ў падрыве «Паўночнага патоку». Абвешчаны ў вышук Volodymyr Z
Хто з палітвязняў выйшаў на свабоду 16 верасня ПОЎНЫ СПІС23
Каментары
Парніковы эфект кажаце, змены клімату, узровень СО2?