ААН: Прарасейскія баевікі ва Украіне вінаватыя ў забойствах, выкраданнях і катаваннях
Прарасейскія баевікі, якія дзейнічаюць на ўсходзе Ўкраіны, датычныя да шматлікіх парушэньняў правоў чалавека, уключна з забойствамі, выкраданьнямі і катаваньнямі. Яны таксама маюць «стабільныя пастаўкі» сучаснай зброі і боепрыпасаў.
Пра гэта гаворыцца ў справаздачы місіі назіральнікаў ААН, якая складаецца з 34 чалавек, інфармуе Reuters.
З пачатку баёў у сярэдзіне красавіка колькасьць загіблых узрасла як мінімум да 2200 чалавек. Штодня ў сярэднім гіне не менш як 36 чалавек, адзначаюць экспэрты.
«Узброеныя групы і далей зьвяртаюцца да фізычных і псыхалягічным катаваньняў, жорсткаму абыходжаньню, пакараньням сьмерцю, забойствам, выкраданьням і іншым сур’ёзных парушэньняў правоў чалавека», — сьцьвярджаюць аўтары дакладу і дадаюць, што парушэньні «непрапарцыйныя адносна цывільных асоб».
Паводле экспэртаў ААН, у палоне баевікоў у пэрыяд з 16 ліпеня па 17 жніўня знаходзіліся не менш за 468 чалавек.
Спэцыялісты сьцьвярджаюць, што правы чалавека парушае таксама ўкраінская армія і спэцыяльныя батальёны МУС. Сярод такіх парушэньняў — «адвольныя затрыманьні, гвалтоўныя зьнікненьні і катаваньні».
Цяпер чытаюць
Беларус здымае відэа, як крадзе адзенне і падроблівае дакументы ў Польшчы. А як запахла смажаным, то кажа: усё дзеля лайкаў1
Каментары