Генштаб УСУ паведаміў пра поспехі ў раёне Дабраполля, дзе войскі РФ ажыццявілі прарыў
Генеральны штаб Узброеных сіл Украіны заявіў, што з 4 па 16 жніўня ўкраінскія вайскоўцы «зачысцілі» ад расійскіх сіл шэсць населеных пунктаў каля Дабраполля. Раней у гэтым раёне армія РФ ажыццявіла прарыў фронту, увайшоўшы ў глыбіню ўкраінскай абароны прыкладна на 10 км.
У паведамленні Генштаба УСУ гаворыцца, што ўкраінскія сілы канчаткова вызвалілі вёскі Грузаўское, Рубежнае, Новавадзянае, Пятроўка, Вясёлае і Залаты Калодзеж.
«Правядзенне стабілізацыйных дзеянняў у напрамку горада Дабраполле, які знаходзіцца ў Данецкай вобласці, працягваецца», — піша Генштаб УСУ.
Узброеныя сілы Украіны заяўляюць, што ў асноўным ліквідавалі пагрозу абвалу абароны і лакалізавалі прарыў, аднак баявыя дзеянні працягваюцца, і пошук груп расійскіх вайскоўцаў, што праніклі ў раёне Дабраполля, усё яшчэ ідзе.
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні9
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары