Выпадак здарыўся раніцай у пятніцу, каля 8.00, пры павароце з вул. 28-га ліпеня на вул. Луцкую ў Брэсце.
Пад колы аўтобуса № 18 на пешаходным пераходзе трапіла дзіця на ровары. Медыкам, якія прыбылі на месца здарэння, выратаваць яго не ўдалося, на месцы праводзіліся рэанімацыйныя мерапрыемствы, рабілі штучнае дыханне. Хлопчык вучыўся ў другім класе 35-й школы, якая знаходзіцца недалёка ад месца трагедыі.
Кіроўца аўтобуса — пажылы мужчына, сцвярджае, што пры павароце нікога не пераходзе не было, ён на невялікай хуткасці пачаў збочваць і раптам пачуў моцны ўдар. Відавочца, які ехаў у аўтобусе, паведаміў, што аўтобус паварочваў на дазваляльны сігнал святлафора, і ён таксама не бачыў раварыста.
На месца трагедыі прыбегла мама хлопчыка, але медыкі канстатавалі смерць сына. Жанчыне спатрэбілася дапамога медыкаў.
Відавочцы рабілі здагадкі, што хлопчык мог спяшацца ў школу, спазняўся, і таму спяшаўся ды не заўважыў аўтобус.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)