Італьянцы знялі фільм пра музыку «краіны-прывіда» Беларусі
Інтэрв’ю з фільма «Made in BY» паступова з’яўляюцца на Youtube-канале аўтараў.
Аўтараў фільма «Made in BY» Беларусь зацікавіла найперш як «краіна-прывід», заўважае Tuzin.fm.
У праекце Беларусь называюць «Паўночнай Карэяй Еўропы», «апошняй дыктатурай Еўропы», дзяржавай на мяжы дзвюх цывілізацый.
Незалежны кінарэжысёр Луіджа Мілардзі праз музыку паказвае працэсы ў грамадстве. Каманда для здымак наведвала Беларусь 2013 і 2014 гадах ды пражыла ў краіне два месяцы.
Фільм знаходзіцца на стадыі постпрадакшну, ён выйдзе ў ТВ-фармаце працягласцю ў 30 хвілін.
На Youtube-канале аўтараў ужо можна паглядзець два дзясяткі інтэрв’ю з беларускімі атрыстамі, у тым ліку дзеячамі Свабоднага тэатру, Сяргеем Пукстам, Аляксандрам Памідоравым, Ляаонам Вольскім, Змітром Вайцюшкевічам. У асноўным размова ідзе па-англійску.
Каментары