Амаль адначасова ў Чашнiках i Слонiме праваахоўнiкi злавiлi за руку падлеткаў, якiя займалiся падробкай беларускiх рублёў. Сёлета падобных выпадказ зарэгiстравана ўжо 157.
Амаль адначасова ў Чашнiках i Слонiме праваахоўнiкi злавiлi за руку падлеткаў, якiя займалiся падробкай беларускiх рублёў. Сёлета падобных выпадказ зарэгiстравана ўжо 157.
Як паведамiў карэспандэнту «Звязды» часова выконваючы абавязкi начальнiка ўпраўлення iнфармацыi i грамадскiх сувязяў МУС Алег Слепчанка, у Чашнiках «засвяцiлiся» вучнi адной з новалукомльскiх школ, якiя спрабавалi збыць у гандлёвых кiёсках несапраўдныя 20‑тысячныя купюры Нацбанка. Як высветлiлася ў ходзе разбору, забяспечыў iх падробленай наяўнасцю адзiнаццацiкласнiк, якi «штампаваў» фальшыўкi пры дапамозе камп’ютарнай тэхнiкi ў сябе дома. У Слонiме ж аператыўнiкi затрымалi адразу трох падлеткаў, якiя аналагiчным чынам вырабiлi 13 падробленых 20‑тысячных, адну дзесяцi‑ i адну пяцiтысячную банкноты. Мiж iншым, гэтым хлопцам удалося нават збыць свае «тварэннi» ў гандлёвых аб’ектах: устаноўлена 14 фактаў збыту фальшывак.
Паводле iнфармацыi Алега Слепчанкi, сёлета ў краiне зарэгiстравана ўжо 157 выпадкаў фальшываманетнiцтва з беларускiмi рублямi. Летась жа прыкладна кожны сёмы з 1838 выяўленых выпадкаў падробкi грошай быў звязаны з нацыянальнай валютай: найбольшай папулярнасцю ў «саматужнiкаў» карысталiся купюры вартасцю 10 i 20 тысяч рублёў. Дарэчы, калi за ўвесь 2007 год была спынена дзейнасць 29 груп фальшываманетчыкаў, то за месяц з невялiкiм сёлета — ужо 7, якiя, як адзначаюць у мiнiстэрстве, «камплектавалiся» выключна са школьнiкаў i студэнтаў.
Цяпер чытаюць
Лукашэнка загадаў забараніць арганізаваныя паездкі дзяцей за мяжу без дазволу дзяржавы12
Каментары