112.by
Паведамленне выратавальнікам пра тое, што гарыць двухпакаёвая кватэра па вуліцы Харкаўскай у Мінску, паступіла ў 23.15. Ужо праз некалькі хвілін ратавальнікі прыбылі на месца здарэння. З балкона на 4-м паверсе ішоў моцны дым.
«На балконе ратавальнікі знайшлі 25-гадовую жанчыну і яе трохгадовага сына. Маці дзіцяці была без прытомнасці. Яна атрымала апёкі 70% цела 1-3 ступені, хлопчык — 50% 1-4 ступені. Абодва пацярпелыя дастаўлены ў цяжкім стане ў бальніцу. За іх жыццё змагаюцца медыкі», — распавядаюць у прэс-службе МНС.
Пажар пашкодзіў мэблю, бытавую тэхніку, балкон і лесвічную пляцоўку. Прычына надзвычайнага здарэння высвятляецца.
Адна з разгляданых версій — парушэнне правілаў эксплуатацыі электрасетак і электраабсталявання (кароткае замыканне электрападаўжальніка).
Каментары