Пуцін заклікаў настаўнікаў тлумачыць вайну ва Украіне на прыкладзе палявання касатак на белых мядзведзяў у Арктыцы
Сустракаючыся з расійскім настаўнікамі напярэдадні 1 верасня, Уладзімір Пуцін даў нечаканую трактоўку вайне ва Украіне, параўнаўшы тое, што адбываецца там з жывёльным светам Арктыкі, піша «Агенцтва».
«Так, уяўляеце, а вось там побач касаткі жывуць, яны ядуць гэтых мядзведзяў, як драбязу. Так, яны проста накідваюцца чарадой такой, бум, на часткі разрываюць. Гэта ўсё вельмі цікава. Такі харчовы ланцужок. Пра гэта таксама дзецям трэба расказваць, каб яны разумелі, у якім свеце мы жывём і чаму мы праводзім спецыяльную ваенную аперацыю», — сказаў Пуцін.
Каментары