Мастак Уладзімір Савіч у «Кніжным салоне». Фота з афіцыйнай старонкі «Кніжнага салона» на Facebook
Ці праўда, што «Кніжны салон» закрыўся? Я раней купляў кнігі ў гэтай кнігарні на вуліцы Калініна, 5. Цяпер прыйшоў — а там замок на дзвярах, напісаў у «Нашу Ніву» чытач Валер.
Як распавялі ў «Кніжным салоне», кнігарня ў ліпені сыходзіла на летні адпачынак, не працавала цягам месяца. Цяпер салон зноў адчынены, працуе па летнім графіку: па буднях да 18:00.
«Кніжны салон» быў адкрыты ў 2010 годзе, яго кіраўніцтва ставіла мэтай продаж найперш прадукцыі беларускіх выдавецтваў, ад класікі мастацкай літаратуры да краязнаўчых і навуковых выданняў, а таксама выданняў малых накладаў, антыкварных і сувенірных кніг. Разам з кнігарняй працуе арт-галерэя.
Каментары