Украіна не атрымала ад Расавіяцыі тлумачэнняў, на падставе чаго украінскім кампаніям забаранілі лётаць у РФ, і таму цалкам спыняе авіязносіны з Расіяй.
Пра гэта паведаміла прэс-служба Міністэрства інфраструктуры Украіны.
«У сувязі з адсутнасцю адказу ад Расавіяцыі з тлумачэннем прычын абмежаванні палётаў украінскім авіякампаніям Дзяржаўная авіяцыйная служба Украіны прыняла рашэнне аб поўным спыненні паветранага руху паміж Украінай і РФ з 25 кастрычніка 2015 года», — гаворыцца ў паведамленні.
У МІУ заявілі, што «такая мера будзе прымененая да ўсіх расійскіх авіякампаній, і будзе дзейнічаць да адмены забаронаў, уведзеных авіяцыйнымі ўладамі РФ адносна ўкраінскіх авіякампаній».
«Пасля адмены забароны расейскім бокам расійскія авіякампаніі, якія не трапілі ў санкцыйны спіс, змогуць ажыццяўляць палёты ва Украіну», — заявілі ў міністэрстве.
Дзяржавіяслубжа ўжо праінфармавала Расавіяцыю аб сваім рашэнні.
Як вядома, 25 верасня Украіна ўвяла санкцыі супраць расійскіх авіякампаній, якія ажыццяўлялі палёты ў Крым. Кіеў матываваў сваё рашэнне двухбаковым пагадненнем, якое дазваляе такі крок у выпадку парушэння перавозчыкамі ўкраінскага заканадаўства.
У той жа час, Расія адказала «люстранымі» забаронамі на палёты пяці украінскім кампаніям, ніяк сваё рашэнне не матывуючы.
Каментары