Гэтай ноччу ў Паўночнай Амэрыцы стартаваў розыгрыш Кубку Стэнлі па хакеі. Сярод тых, хто пачынаюць барацьбу за выжываньне і два клюбы беларускіх легіянэраў.
Калі «Манрэаль Канадыянс» братоў Касьціцыных і Міхаіла Грабоўскага правядзе стартавы матч толькі сёньня, то «Каларада Эвэланш» Руслана Салея ўжо пачала барацьбу.
«Лавінам» можна лічыць пашанцавала з супернікам – «Мінэсота Ўайлд», куды б цяжэй было гуляць з «Дэтройтам» і «Сан-Хасэ».
Каманда Салея пасьля другога пэрыяду выйгравала зь лікам 2:0, але ў апошнім дазволіла гаспадарам адыграцца. Лёс сустрэчы вырашаў овэртайм, дзе фартуна ўсьміхнулася «Каларада». Пераможную шайбу на 72-ой хвіліне гульні зь перадачы беларуса Салея забіў канадзец Сакік – 3:2.
Наступная гульня ў гэтай сэрыі да чатырох перамог адбудзецца 11 красавіка.
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары