Сіноптык Дзмітрый Рабаў у эфіры АНТ паведаміў, што тыдзень з 15 па 21 чэрвеня пачнецца з нестабільнага і дажджлівага надвор’я, аднак да выхадных у краіну вернецца сапраўднае летняе цяпло з тэмпературай да +30 градусаў.
У панядзелак, 15 чэрвеня, надвор’е будзе вызначаць актыўны атмасферны фронт. У большасці раёнаў пройдуць дажджы з навальніцамі, месцамі магчымыя моцныя залевы і град. Ноччу тэмпература складзе ад +8 да +12 градусаў, а ўдзень — ад +14 на паўночным захадзе да +20 на паўднёвым усходзе краіны.
У аўторак і сераду захаваецца вільготнае паветра. Чакаюцца дажджы, месцамі залевы і навальніцы. У сярэдзіне тыдня надвор’е крыху палепшыцца: ападкі будуць кароткачасовымі і пераважна на поўначы краіны. Днём паветра прагрэецца да +21 градуса.
У чацвер, 18 чэрвеня, Беларусь можа зноў апынуцца пад уплывам чарговага атмасфернага фронту. Амаль па ўсёй краіне магчымыя дажджы і навальніцы. Тэмпература ўдзень будзе вагацца ад +15 на поўначы да +22 градусаў на поўдні.
У пятніцу надвор’е застанецца няўстойлівым: пройдуць кароткачасовыя дажджы, але паветра пачне прыкметна цяплець — ад +19 градусаў на поўначы да +26 на паўднёвым захадзе.
Найбольшае пацяпленне чакаецца ў суботу, 20 чэрвеня. Дзякуючы вобласці высокага атмасфернага ціску дажджы павінны спыніцца, а тэмпература ўдзень складзе ад +22 да +27 градусаў, а ў паўднёва-заходніх раёнах можа дасягнуць +30.
У нядзелю, 21 чэрвеня, захаваецца цёплае летняе надвор’е. Магчымыя толькі асобныя кароткачасовыя дажджы з навальніцамі. Уначы чакаецца ад +14 да +19 градусаў, а ўдзень — ад +24 да +29 градусаў.
Такім чынам, пасля працяглага перыяду дажджоў, навальніц і граду ўжо ў канцы наступнага тыдня Беларусь чакае прыход летняй спёкі.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна1
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам54
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4747
Каментары