Супрацоўнікі Чыгуначнага РАУС Гомеля затрымалі 43-гадовага эксгібіцыяніста, паведамілі ў прэс-службе УУС Гомельскага аблвыканкама.
Упершыню жыхаркі мікрараёна «Гомсельмаш» абласнога цэнтра звярнуліся ў міліцыю з скаргамі на хулігана 4 сакавіка. З іх слоў стала вядома, што падазроны мужчына рэгулярна наведваўся ў прыватны сектар, чакаў адзінокіх дзяўчат і дэманстраваў ім свае геніталіі. Яны таксама паведамілі, што адной з ахвяраў стала 8-гадовае дзіця. «Неяк вярталася з крамы і заўважыла маленькую дзяўчынку, якая плакала. Аказалася, што школьніца спалохалася мужчыну з расшпіленай шырынкай. Стала распытваць суседзяў па вуліцы і высветліла, што яго бачылі і іншыя», — распавяла адна з жанчын.
Супрацоўнікі аддзела крымінальнага вышуку Чыгуначнага РАУС неадкладна прыступілі да пошукаў хулігана. 21 сакавіка незнаёмец зноў з'явіўся ў прыватным сектары мікрараёна. Заўважыўшы яго, жанчына адразу ж выклікала міліцыянтаў, якія аператыўна затрымалі хулігана. Ім аказаўся 43-гадовы жыхар Гомеля, раней судзімы за крадзеж і разбой.
У дачыненні да падазраванага распачата крымінальная справа па ч.1 арт.339 (хуліганства) КК. За наўмысныя дзеянні, якія груба парушаюць грамадскі парадак і выказваюць відавочную непавагу да грамадства, мужчыне пагражае да трох гадоў пазбаўлення волі.
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары