Вашынгтон не разглядае магчымасць абмену ўкраінскай вайскоўкі Надзеі Саўчанка, прысуджанай у Расіі да 22 гадоў калоніі, на расійскіх грамадзян Віктара Бута і Канстанціна Ярашэнку, якія адбываюць пакаранне ў ЗША. Пра гэта паведаміў прэс-сакратар амэрыканскай пасольства ў Маскве Уільям Стывенс.
Дыпламат нагадаў, што ЗША «адданыя сваім абавязацельствам у рамках міжнароднага і нацыянальнага права па ўтрыманні зняволеных». Вашынгтон таксама забяспечвае неабходны консульскі доступ да замежных зняволеных, якiя адбываюць пакаранне на тэрыторыі ЗША, падкрэсліў Стывенс.
Пра магчымы абмен Саўчанка на Бута і Ярашэнку раней у аўторак паведамляў «Інтэрфакс». Паводле інфармацыі аднаго з суразмоўцаў агенцтва, у цяперашні час ідуць кансультацыі аб перспектыве такой працэдуры.
«Расійскі бок прапанаваў спіс сваіх суграмадзян, у абмен на выдачу якіх гатовы вызваліць былую ўкраінскую вайскоўку», — сказала крыніца, адзначыўшы, што ў пераліку ёсць і расіяне, «дзейнасць якіх звычайна не афішуецца».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)