«Расія застанецца ці ў сваім сённяшнім стане, ці ў стане 90-х гадоў».
У новым выпуску ток-шоу «Гадзіннічак цікае» аналітык Арцём Шрайбман заўважыў, што да размоваў аб «новай Расіі» адносіцца вельмі скептычна:
«Я песіміст у адрозненні ад Івана Краўцова».
Шрайбман разважае: ён не думае, што расіяне неяк генетычна не схільныя да дэмакратыі ці ім наканавана жыць у дыктатуры, але
ў бліжэйшай перспектыве («пры нашым жыцці») Расія застанецца ці ў сваім сённяшнім стане, ці ў стане 90-х гадоў.
Ні адзін з гэтых варыянтаў, падкрэслівае аналітык, не з'яўляецца дэмакратыяй, якая функцыянуе. Але адзін больш небяспечны, а другі — менш.
«Пытанне беларускага шляху — як мы канкрэтна выкарыстаем умоўныя 90-я, вокны магчымасцей слабой алігархічнай карупцыйнай Расіі, у тым ліку для свайго геапалітычнага самавызначэння, ідэнтычнасці, беларускай мовы, дэмакратыі.
Трэба разумець, наколькі важныя гэтыя вокны 90-х у Расіі. У мінулым мы іх не змаглі выкарыстаць. Таму важна наступныя не прапусціць», — адзначае Шрайбман.
«Мне цяжка ўявіць існаванне гэтай вялікай усё яшчэ адзінай дзяржавы, без адколатых кавалкаў, якая кіруецца з цэнтра, і тым не менш дэмакратычная. Для мене тут нестыкоўка. Ці ты нейкае напалову разваленае карыта, ці вельмі рыхлая канфедэрацыя альбо аўтарытарны рэжым».
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА29
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары