Марская пяхота ЗША ўзброіць свае транспартныя самалёты ракетамі
Усе 79 транспартнікаў-запраўшчыкаў C-130J авіяцыі Марской пяхоты ЗША атрымаюць камплекты ўзбраення Harvest Hawk, якія дадуць ім магчымасць весці агонь па наземных цэлях.
Пра гэта піша партал Ваенна-марскога інстытута ЗША.
Незвычайнае рашэнне выклікана тым, што вялікія самалёты могуць доўгімі гадзінамі патруляваць паветра ў раёне дзеяння сваіх наземных сіл і часам самымі першымі прыходзіць ім на падтрымку.
Камплект узбраення, які складаецца з 4 ракет Hellfire і 10 ракет AGM-175 Griffin каштуе ўсяго $9 млн, затое пераўтвараюць самалёт у сапраўдную лятучую батарэю.
Сістэма ўжо паспяхова выпрабоўвалася на іншых самалётах у Афганістане. Яе мантаж і дэмантаж займаюць усяго пару працоўных дзён.
Таксама камплекты Harvest Hawk атрымаюць транспартныя канвертапланы MV-22.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс18
Каментары