Даследчыца з Сірыі Суджата Гундэрсэн (Sujatha Gundersen) сабрала на інтэрактыўнай карце дадзеныя аб памерах пеніса мужчын у розных краінах свету. Пра гэта паведамляе выданне Mirror.
Карта была апублікаваная на платформе Target Map яшчэ ў снежні, аднак СМІ звярнулі на яе ўвагу толькі ў канцы жніўня. Яе стваральніца аб'яднала дадзеныя аб сярэдняй даўжыні эрэгіраванага палавога члена жыхароў усіх кантынентаў.
У якасці крыніцы Гундэрсэн паказала зводныя табліцы, заснаваныя на замерах навукоўцаў з розных краін, а таксама звесткі анлайн-апытанняў. Аўтар даследавання не паведаміла, як шмат мужчын паўдзельнічала ў апытаннях і замерах.
Дадзеныя пра Беларусь у даследаванне не патрапілі. З найбліжэйшых суседзяў нашай краіны на карце ёсць Расія (12,8 см), Польшча (13,9 см) і Украіна (13,6 см). Сярод еўрапейскіх краін лідарамі сталі нарвежцы (15,1 см) і шведы (15 см), а аўтсайдарамі — грэкі (12,2 см).
Сусветны максімум, па дадзеных даследчыцы, належыць жыхарам ДР Конга (17,9 см), Габона (17,8 см) і Экватарыяльнай Гвінеі (17,7 см). Самымі сціплымі паказчыкамі валодаюць жыхары Індыі (9,3 см) і Тайланда (9,4 см).
Падобныя навуковыя працы і карты публікуюцца не ўпершыню. Па дадзеных даследавання ірландскіх навукоўцаў за 2012 год, беларускія мужчыны маглі пахваліцца значэннем у 14,63 см, расійскія — 13,21 см, украінскія — 13,97 см, а грузінскія — 16 см.
Сярэдні сусветны памер падлічыла ў 2015 годзе група навукоўцаў з Вялікабрытаніі. Аналіз вымярэнняў 15 тысяч добраахвотнікаў з усяго свету даў сярэдняе значэнне ў 13,1 сантыметра ў эрэгіраваным стане.
Каментары