Маладому буслу з-пад Веткі знайшлі дом — птушка застанецца ў вёсцы
Жыццё бусла, які заставаўся на пляцоўцы каля дзіцячага садка вёскі Радуга Веткаўскага раёна — ля макета такой жа птушкі, змянілася на наступны дзень пасля публікацыі гэтай гісторыі. Яго нарэшце ўдалося злавіць, і цяпер бусел жыве ў двары мясцовага жыхара пад пільным наглядам.
Жыхары Радугі вырашылі пакінуць птушку ў сябе - яе забраў Уладзімір, які і паведаміў пра гэту гісторыю.
Першапачаткова мужчына не рашаўся гэта зрабіць з-за няведання, як правільна глядзець бусла, аднак некалькі чытачоў пакінулі свае кантакты і пасля патлумачылі яму асноўныя правілы догляду.
Ужо позна ўвечары, 12 кастрычніка, бусла ўдалося злавіць, і цяпер ён жыве ў двары Уладзіміра сярод іншых птушак з яго гаспадаркі. Раніцай 13 кастрычніка, абагрэўся і адышоўшыся ад стрэсу пасля затрымання, птушка паела.
Каментары