Іспанія вырвала перамогу ў Бельгіі і выйшла ў паўфінал чэмпіянату свету
Зборная Іспаніі стала другім паўфіналістам чэмпіянату свету па футболе 2026 года, перамогшы ў чвэрцьфінале каманду Бельгіі з лікам 2:1. Матч прайшоў на стадыёне SoFi Stadium у амерыканскім Інглвудзе.
Лік у матчы на 30‑й хвіліне адкрыў паўабаронца іспанцаў Фабіян Руіс, які першым апынуўся на дабіванні пасля ўдару Дані Ольма і сэйва брамніка бельгійцаў Тыбо Куртуа.
Яшчэ да перапынку Бельгія здолела адыграцца. На 41‑й хвіліне Шарль дэ Кетэларэ галавой замкнуў навес Цімаці Кастаня і ўпершыню на гэтым турніры прымусіў зборную Іспаніі прапусціць гол.
У другім тайме ключавым момантам стала траўма Тыбо Куртуа. Брамнік, які некалькі разоў выратаваў сваю каманду, не змог працягнуць сустрэчу і на 71‑й хвіліне быў заменены на Сенэ Ламенса, для якога гэта быў толькі трэці матч за нацыянальную зборную.
Перамогу дзейным чэмпіёнам Еўропы прынёс Мікель Мерына. На 88‑й хвіліне Ламенс не здолеў надзейна зафіксаваць далёкі ўдар Паў Кубарсі, і Мерына першым паспеў на дабіванне, адправіўшы мяч у сетку.
У паўфінале чэмпіянату свету Іспанія сустрэнецца са зборнай Францыі, якая раней перамагла Марока з лікам 2:0. Матч адбудзецца 14 ліпеня.
Астатнія два ўдзельнікі паўфінальнай стадыі вызначацца пасля матчаў Нарвегія — Англія і Аргенціна — Швейцарыя.
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары
Гульня выглядала зусім не такой бездакорнай як з Партугаліяй.
Паўтора 2010 напэўна ня будзе.
Чакаю бітву футбольных філасофій з Францыяй:
Пырскі шампанскага vs цянучы турон.